Song bi gonq gunghswh dajsuenq daezswng de guh bumwnz bouxfucwz, sawqyungh geizgan de youq fuengmienh diuqboiq vunz guhhong, guh ndaej mbouj daiq ndei, cungj lau daekcoih vunz, giepnoix lingjdauj yisiz, ndigah doeklaeng mbouj ndaej daezswng.

Gietlwnh: Gyoebhab baihgwnz soj gangj, danghnaeuz mwngz dwg lingjdauj aen danhvei yaek cingj vunz guhhong, mwngz ndaej cuengqsim cingj de, hoeng danghnaeuz hawj de guh bouxfucwz, vanzlij caiq naemjsiengj naemjsiengj; danghnaeuz mwngz dwg cawjranz, mwngz ndaej cuengqsim dawz dahlwg haq hawj de; danghnaeuz mwngz dwg vunzseng’eiq dajsuenq caeuq de gapguh, mwngz ndaej cuengqsim caeuq de gapguh.

Yenz Fangh yaep ndeu riuhehe, yaep ndeu daejngu’ngu. De gig boiqfug gyoengq bouxdamq neix, miz haujlai saehcingz de cungj ca di lumz lo, seizneix gyoengqde cienzbouh lied okdaeuj, siengj mbouj daengz gyoengqde dawz de sij ndaej baenzneix ndei, ndei ndaej hawj de mbouj eiqseiq. Danghnaeuz mbouj dwg muenzcoh diucaz, de cengdi yaek ngeizvaeg gyoengqde cingq bungj de lo.

De ciengx gaeq gvaq. Ciengx gaeq beij gaujsi sim’angq lai lo, duz gaeqlwg iqiq ndeu, ngoenz beij ngoenz majhung, doeklaeng bienqbaenz duz gaeq biz ndeu, miz di lij ok aen youh aen gyaeq hung hau, hawj de gig miz cingzciu. Beij doeklaeng bae an gunghdiuz lij miz eiqsei, danghnaeuz mbouj dwg daxmeh naeuz de youq rogsingz, mbouj yungzheih raen de, daej le geij baez, de lij mbouj gaijbienq cawjeiq bae hag coih gihgi.

De lau gaujsi, de mbouj roxyiuj daeggo dahcej vih gijmaz cungj ndaej gauj muenxfaen, muenxfaen geijlai nanz gauj ndaej ya, bouxlawz ndaej di loek ndeu cungj mbouj ok ne? De coengzlaiz mbouj ndaej gvaq muenxfaen, de cungj dwg ok loek, bohmeh、daeggo dahcej cungj naeuz de mbouj wnggai ok loek, gij loek ndaej mienx, de mbouj rox baenzlawz mienx, ndigah baez gaujsi couh gyaeujin, baez raen sigenj, ndaw uk couh gijmaz cungj siengj mbouj hwnj lo.

Doengzhag baenz siujwz mazbicwng haenx heuhguh Sunh Hauyenz, aen angjdin ndeu utvan, mbouj ndaej youh bingz youh soh dwk byaij roen. Seizhaenx ndaw ranz gaenq miz danci lo, daxboh daxmeh ndaej yungh danci soengq de bae doegsaw, mboujgvaq de itdingh aeu buenx Sunh Hauyenz byaij roen, de naeuz Sunh Hauyenz nyi, raeuz dwg baengzyoux ndei, gou couh dwg diuzdwngx duh mwngz, danghnaeuz mwngz byaij baeg le couh bamq youq gwnz mbaq gou. Sunh Hauyenz naeuz, Yenz Fangh, mwngz caen ndei, caj din gou yw ndei lo, gou itdingh aemq mwngz bae doegsaw, aemq aen haggeiz ndeu. Yenz Fangh guh le haj bi diuzdwngx iq Sunh Hauyenz.

Din Sunh Hauyenz doeklaeng vanzlij yw mbouj ndei, hoeng de cix fatcaiz lo, seizneix hai le geij aen diemqgahfeih lienzsuj, Yenz Fangh mizseiz bae naenghnaengh, ciengq geij diuz go, haujlai bouxhek dingq le Yenz Fangh ciengqgo cungj gangj ndei, laihnaeuz de dwg canghfwen ciennieb. Sunh Hauyenz gangjriu naeuz mwngz hixnaengz daeuj gou gizneix cienmonz ciengqgo suenq lo. Yenz Fangh naeuz, mwngz rox gou miz gunghcoz lo, saekseiz ciengqciengq go dwg hawj swhgeij sim’angq, ngoenzngoenz ciengq itdingh guh mbouj ndaej. Sunh Hauyenz naeuz, ndaej lo, gou gangj mbouj doeng mwngz, gou lij mbouj rox mwngz ma? Ndigah, diucaz baugau naeuz de dwg giemnyaemh canghfwen mbouj cinjdeng.

Liuz Gez suenq colienh de lwi? Yenz Fangh ca di couh lumz aen coh neix lo. Daxmeh Liuz Gez Naxgungj caeuq daxmeh swhgeij dwg doengzyieng, dangseiz daxboh Liuz Gez mbouj miz hong cingqsik, youq gwnz haw baij dan, Ranzliuz gvaq ndaej mbouj daiq ndei. Naxgungj ciengzseiz daiq Liuz Gez daeuj ranz Yenz Fangh, bang sousib ndaw ranz, lij guh di hongranz, Liuz Gez lij bang Yenz Fangh saeg buh. Ranz Yenz Fangh gijmaz cungj miz, moix baez Naxgungj daiq Liuz Gez daeuj guhhek cungj daiq bau doxgaiq gwn yungh hung ndeu dauqma. Lauheiq seizhaenx Naxgungj dwg siengj hawj dahlwg haq daeuj Ranzyenz guh lwgbawx, cij mbouj gvaq Yenz Fangh lienz daihhag hix gauj mbouj ndaej.

Bi daih’it Liuz Gez hwnj daihhag lij daeuj ranz Yenz Fangh, bi daihngeih couh mbouj daeuj lo. Yenz Fangh hix siengj gvaq danghnaeuz de gauj ndaej daihhag, song vunz aiq miz duenh gamjcingz ndeu, hoeng, haenx cij dwg de siengjsiengj.

Yenz Fangh dawz diucaz baugau dimz youq laj swiz, seizneix de roxyiuj swhgeij dwg vunz yienghlawz lo. Lix le samcib bi, de cungjsuenq roxyiuj swhgeij dwg vunz yienghlawz lo. Daihgya roxnyinh de dwg vunzndei, lij dwg boux vunzndei miz yungh ndeu. De mbouj dwg vunzlaet, mbouj dwg vunzboihseiz, engq mbouj wnggai daj gwnz laeuz sangngaungau diuq roengzdaeuj banj nyug.

Gij simnyap duenh seizgan neix cienzbouh sanq liux lo.

Ceiq hawj Yenz Fangh sim’angq, dwg roxyiuj Cuh Yijlanz gyaez de, lij ciengzseiz daeuj ndaw rug de. Gvaiq mbouj ndaej ndaw rug de miz seiz baez haeuj dou couh nyouq daengz raq heiq hom geizheih ndeu, gvaiq mbouj ndaej ndaw gang Giujgiuj ciengzseiz geizheih dwk okyienh faenjmienhbau, yienzlaiz cungj dwg Cuh Yijlanz youq ndaw rug luenhgauj.

Yenz Fangh youq seiq gungx mbonq haenq- rengz nyouq yaep ndeu, de gig siengj roxyiuj Cuh Yijlanz ninz mbouj ninz gvaq mbonq de. Ai, dahsau gveijgeiq neix, gingqyienz lij hawj Go’gvei bang de nyaenj din!

Haetromh hwnjdaeuj, Yenz Fangh daengx ndang cungj dwg damjliengh. Buet haj goengleix dauqma, de roxnyinh engq miz rengz lo, youq gwnz yangzdaiz cuengqsing ciengqgo, geij daegmbauq youq ranznden caez sing hemq naeuz, haetromh cauz dai vunz lo, caiq ciengq iem mwngz bae!

Yenz Fangh dingz roengzdaeuj, dauq rug hawj vunz soengq meiz daj denva, soengq sam swx meiz daeuj. Yaep ndeu vunz soengq meiz daeuj lo, Cuh Mah riengz vunz soengq meiz hwnj laeuz, ndwn youq bangxhenz mbouj guhsing dwk yawj swx dem swx meiz caezcingj dwk baij youq henz ciengz. (15)

公司前两年打算提拔他为部门负责人，试用期间他在人员调配方面不能有效地处理关系，总怕得罪人，缺乏领导意识，所以最后没有提拔上去。

结论：综合上述，如果你是一个用人单位的领导，你可以放心雇他，但是让他做负责人有待考虑；如果你是一个家长，你可以放心将女儿托付给他；如果你是打算和他合作的商人，你可以放心和他打交道。

袁方一会呵呵笑，一会呜呜哭。他很佩服侦探们，有很多事情他都差点忘了，现在他们一一给他列出来，想不到他们把他写得那么的好，好得让他不好意思。要不是匿名调查，他几乎要怀疑他们是在讨好他了。

他养过鸡。养鸡比考试快乐多了，一只小小的鸡崽，一点点地长大，然后变成一只大肥鸡，有的还下一只只雪白的大鸡蛋，太让他有成就感了。比后来的安装空调还有意思，要不是母亲说他待在郊区见他不容易，哭了好几回，他还不会改变主意去学机修的。

他怕考试，他不知道哥哥姐姐为什么可以考满分，满分是多么难啊，谁能一点错都不出呢？他没得过满分，他总是出错，父母、哥哥姐姐都说他的错是不应该的，是可以避免的，他不知道该怎么避免，所以一考试就头痛，一见试卷就脑袋空白。

那个患小儿麻痹症的同学叫孙浩然，有一只脚的脚掌是弯曲的，不能平直走路。那时候家里已经有自行车了，爸爸妈妈可以用自行车送他上学，不过他一定要陪着孙浩然走，他跟孙浩然说，我们是好朋友，我就是你的拐杖，如果你走累了就在我的肩膀上趴一趴。孙浩然说，袁方，你真好，以后等我的脚医好了，我一定背你上学，背一个学期。袁方做了孙浩然五年小拐杖。

孙浩然后来虽然没有治好脚，但却发了财，现在开了几间连锁咖啡厅，袁方偶尔去玩一玩，唱几首歌，不少顾客听了袁方的歌都叫好，以为他是专业出身的。孙浩然开玩笑说你干脆来给我当专职歌手算了。袁方说，你知道我有工作了，偶尔唱唱是让自己开心，天天唱铁定做不来。孙浩然说，行了，我说不动你，我还不知道你吗？所以，调查报告说他是“昨日重现”的兼职歌手是不准确的。

刘洁算是他的初恋吗？袁方差一点就把这个名字给忘了。刘洁的妈妈孔阿姨和他妈妈是老乡，当时刘洁的爸爸没有正式的工作，在街上摆摊，刘家过得不怎么样。孔阿姨经常带刘洁上袁方家里来，帮着收拾房子做些家务，刘洁还帮袁方洗衣服。袁方家里什么都有，每次孔阿姨带刘洁来做客总带一大包吃的用的回去。也许当时孔阿姨是有意思让女儿做袁家儿媳妇的，只不过袁方连个大学也没有考上。

刘洁上大学的第一年还到袁方家来过，第二年就不来了。袁方也曾经想过如果他考上了大学他们可能会有一段感情，但那只是一种可能。

袁方把调查报告压在枕头底下，现在他知道他是怎样一个人了。活了三十年，他总算知道自己是怎样一个人了。大家认为他是个好人，还是一个有用的好人。他不是一个废物，不是一个倒霉蛋，更不应该从高高的楼上跳下来摔成肉饼。

这段时间笼在心头的阴郁一扫而空。

最令袁方兴奋的是知道朱雨兰喜欢他，还经常到他的房间来。难怪他的房间有时候一进门会有莫名其妙的香气，难怪久久的缸里会莫名其妙地出现面包屑，原来都是朱雨兰在房间捣的鬼。

袁方在床铺的四个角落用力嗅了一番，他好想知道朱雨兰有没有睡过他的床。唉，这个诡计多端的姑娘竟然还让大贵哥捏她的脚！

早晨起来，袁方全身是力气是勇气。跑了五公里回来，他感觉气更足了，在阳台上扯开嗓子唱歌，隔壁住的几个小伙子齐声喊，一大早吵死人了，再唱把你阉了。

袁方收声了，回屋给送蜂窝煤的打电话，让送三筐煤。一会儿送煤的来了，朱妈跟着送煤的上来，站在一边悄无声响地看一筐筐子煤整整齐齐地被码在墙边。

（15）