Ceng Aeu Goenglauz

抢功劳

Gaxgonq, youq Mbanj- ningq miz bouxsai he bae rungh dwkfwnz. Mbwn yaek laep le, yah de raen de caengz dauq, sim gig gip, couh bae buenq roen ciep de. Yah de byaij ndaej 2 leix loh, couh raen de cingq rap fwnz dauq. Yah de naeuz:“Daeuj, hawj gou lawh mwngz rap baema.” De naeuz:“Yiz, lij miz 2 leix loh couh daengz ranz, mwngz siengj ceng aeu goenglauz dwg lw? Gou mbouj hawj mwngz rap.” Caj de rap fwnz daengz ranz, gaenq naiq yaek dai lo.

Lwnh Hawj Gou

告诉我

Mbanjsaenaz miz song beix- nuengx, gaenq faen’gya lo. Miz ngoenz he, Daeggo doiq Daeg- nuengx naeuz:“Nuengx, mwngz ciq cienz hix aeu guh ranz moq hwnjdaeuj bw. Guh daengz buenq- langh cienz mbouj gaeuq, mwngz couh lwnh hawj gou.” Daegnuengx dingq le, angq raixcaix, baenzneix mbouj geij nanz, couh caep ranz moq. Ranz moq guh daengz buenq, Daegnuengx caen mbouj miz cienz lo, de bae ra Daeggo ciq cienz. Daeggo naeuz:“Gou cij heuh mwngz lwnh hawj gou, hoeng, gou mbouj naeuz ciq cienz hawj mwngz bw!” Daegnuengx dingq le, hozndat dangqmaz.