Yenz Fangh naeuz, dwg a, gou hix siengj roxyiuj swhgeij dwg vunz yienghlawz, beij mwngz lij siengj rox. Mboujgvaq, maqmuengh damqra seiz mwngz gaej yungh saenfaenh daeggo daeuj hawj gou roengz gietlwnh. Deng lo, gij saeh damqgouz aeu cuengqcuengq, ndaejhoengq mwngz vanzlij dauq ranz bae yawjyawj ba.

Ndaw cehda Yenz Cangz myan gvaq singjgaeh: Ok le gijmaz saeh?

Yenz Fangh naeuz, mbouj miz gijmaz saeh.

Seiq

Gij iekdingh cib ngoenz caeuq seivunz cinhdanse haenx gig vaiq couh daengz lo, Yenz Fangh deq mbouj gib dwk ganj daengz vangjbah, fwngz diemj hai youzsieng seiz lij saenzdedded, mizmaj hix daj loek le song baez.

Gwnz bingzmu yienh’ok:

Vunzdak gingqcungh, gunghswh dou baij ok song bouxdiucaz doiq vunzdengdiucaz guh le aen diucaz cienzmienh ndeu, song bouxdiucaz neix daidu saedcaih、cienzmienh, caez guh sat faenh baugau neix, maqmuengh mwngz habhoz. Dangh- naeuz lij miz gijmaz simngeiz, cingj gangj hawj dou dingq, dou itdingh dawz de guhcaez caemhcaiq gaijcingq. Danghnaeuz mwngz habhoz gij fuzvu dou, cingj gaenjgip dawz sam cien maenz cienzlw cunz haeuj ndaw canghu gunghswh dou, docih.

Yenz Fangh dajyaenq diucaz gietsat, dawz dauq ndaw rug swhgeij menhmenh yawj.

Vunzdengdiucaz: Yenz Fangh, bouxsai, seng youq 1975 nienz, mbouj caengz baenzgya, cunghhoz lwngjgi gunghswh gunghyinz. Seizneix diegyouq dwg Sihyanghdangz 18-7 hauh.

Vunzdengdiucaz Yenz Fangh ndaw ranz miz cienz miz mingz. Baengzgawq diucaz, bohmeh、go、cej Yenz Fangh cungj miz faenhhong ndei, sevei deihvih haemq sang, daxboh caengz duiyouh seiz dwg ndaw si gungdengiz gizcangj, daxmeh dwg yinzminz yihyen fuyencangj. Cejdaih Yenz Yenz youq Nanzfangh Daciujden guh cungjginghlij. Cejfou dwg lizswh mizmingz Yauz Gyanghhungz, bi’gvaq si dou aen anq doxgauq laeujmakit okmingz haenx, couh dwg Yauz lizswh dwk hingz. Go’ngeih Yenz Cangz dwg Nanzfangh Daihhag Ginghci Yozyen yencangj, ciengzseiz vih si lingjdauj ok cawjeiq, dingqnaeuz Yenz Cangz sikhaek yaek ndaej daezswng guh fuyaucangj lo.

Vunzdengdiucaz Yenz Fangh goqsingq doglaeb. Yenz Fangh gauhgauj gauj le sam bi, cienzbouh gauj mbouj ndaej, bi daihseiq, de mbouj hawj vunz ndaw ranz rox, gag buet daengz rogsingz aen ciengz- ciengxgaeq ndeu guh bouxdajciengx, song bi gvaqlaeng haeuj aen giyau ndeu hag coih gihgi, hag baenz liux couh bae cunghhoz lwngjgi gunghswh guh vunz an gunghdiuz, itcig guh daengz seizneix. Ciuq gyaranz Yenz Fangh daeuj gangj, de ndaej gijmaz cungj mbouj guh, roxnaeuz ra ndaej faenh hong engq ndei ndeu. Hoeng de mbouj nyienh aeu vunz ndaw ranz bang, itcig ciuq gij siengjfap swhgeij bae gvaq ndwenngoenz, lij gag ra ndaej ok yinx daeuj. Hix cingq dwg aen singgwz neix, de caeuq vunz ndaw ranz gangj mbouj daiq hab, daxboh ca mbouj lai couh dang mbouj miz de daeglwg neix lo.

Vunzdengdiucaz Yenz Fangh singgwz sienhsoh, gyaez bae bang vunz. Yenz Fangh daj seiz iq couh dwg boux vunz miz simgyaez ndeu, doeg siujyoz seiz, ranznden miz boux lwgnyez baenz siujwz mazbicwng ndeu caeuq de doengzban, de moix ngoenz buenx boux doengzhag neix hwnjhag, itlienz buenx le haj bi. Yaek gauhgauj seiz, ndaw ban mbouj miz doengzhag nyienh guh bouxcizyiz, de couh gag boux vunz ndeu baet gyausiz, moix ngoenz cungj guh bouxcizyiz. Youq ndaw gunghswh guhhong hix dwg yienghneix, de coengzlaiz mbouj genj hong, vunzwnq hong guh mbouj sat, de couh bae bang vunzwnq guh, daihgya cungj gyaez caeuq de caez guhhong. Ranznden bingzgyaq de hix mbouj loek, de ciengzseiz yungh seizgan yietnaiq daeuj bang daihgya mienxcienz coih gunghdiuz caeuq gizyawz dengi.

Dingqnaeuz benq Sihyanghdangz haenx miz bouxdaeuz iq vunzlanh ndeu, aenvih Yenz Fangh gouq mingh de gvaq, mbouj rox baenzlawz bauqdap Yenz Fangh, roengzlingh gyoengq lajfwngz mbouj cinj youq gwnz haw Yenz Fangh youq haenx nauhsaeh, seizneix diuz haw neix youq benq Sihyanghdangz cianh nyaujnyungq, gaenq baenz benq dieg haemh mbouj yungh gven dou ndeu lo.

Vunzdengdiucaz Yenz Fangh gyaez ndwen- ngoenz, miz yisuz siuhyangj. De moix ngoenz haetromh laebdaeb okbae buet, itbuen buet haj goengleix, mboujlwnh doek fwn roxnaeuz bongj rumz. De gyaez ciengqgo, ndaej gvaq mingz daih’it ndaw danhvei gajlah OK doxdax, lumjnaeuz lij dwg giemnyaemh canghciengq aen gahfeihdingh coh heuh “Gaxgonq Dauqyienh ” ndeu dem.

Vunzdengdiucaz Yenz Fangh cozfungh ndei, mbouj miz maz haeujyinx rwix, mbouj citien mbouj gwnlaeuj, mbouj guhdoj mbouj biuzgawj, miz gvaq duenh gamjcingz dinj miz goek mbouj miz byai ndeu caeuq duenh gamjcingz cingq hwngfat ndeu. Doeg gauhcungh seiz de miz dah doengzhag gvanhaeh gig ndei ndeu, coh heuhguh Liuz Gez. Ciuq seizhaenx daeuj yawj, song vunz ca mbouj lai dwg guhyoux lo, doeklaeng aenvih Yenz Fangh gauj mbouj ndaej daihhag, Liuz Gez cix gauj ndaej lo, duenh gamjcingz ganj mbouj gib hwngfat neix couh goenq lo. Seizneix, dahlwg ranzcawj Yenz Fangh — Cuh Yijlanz gyaez de, hoeng daxmeh Cuh Yijlanz gig fanjdoiq, roxnyinh Yenz Fangh cij dwg vunzdajgoeng mbouj okcot ndeu. Baengzgawq dou daengz diegyouq Yenz Fangh cazyawj fatyienh, Cuh Yijlanz ciengzseiz caj Yenz Fangh bae hwnjban le couh buet haeuj ndaw rug Yenz Fangh bae, mbouj rox guh gijmaz. Yenz Fangh miz boux cingzdig ndumjyouq ndeu heuhguh Go’gvei. Yenz Fangh mbouj cawjdoengh, Go’gvei cix cawjdoengh lai, Cuh Mah hix gujli Go’gvei bae gyaepgouz dahlwg swhgeij, ndigah Yenz Fangh duenh gamjcingz neix baezlaeng baenzlawz yiengh hix gangj mbouj ndei.

Vunzdengdiucaz Yenz Fangh simleix suciz ca, mbei iq、yaemhywx mbouj dingh. Neix aiq dwg gij vanzging majhung de cauhbaenz, daeggo dahcej daiq miz cingzciu, gij aplig gyoengqde hawj haenx saedcaiq daiq lai. De gig lau gaujsi, moix baez gaujsi gaxgonq de cungj laebdaeb gyaeujin, ngoenz gauhgauj haenx gingqyienz youq gauj gonq cib lai faen cung maez gvaqbae lo. (14)

袁方说，是啊，我也想知道我是怎样一个人，比你更想知道。不过，希望做这项研究的时候你不要以哥哥的身份来给我下结论。对了，研究的事可以缓一缓，有空你还是回家看看吧。

袁长的眼里闪过一丝警觉：出了什么事？

袁方说，没事。

四

与私人侦探社的十天之约晃晃眼到了，袁方迫不及待地赶到网吧，点开邮箱的手索索发抖，密码也输错两次。

屏幕上显示：

尊敬的委托人，我们公司派出两名调查员对被调查人进行了全面的调查，这两名调查员本着客观、全面的态度共同完成了这份报告，希望您能满意。如还有什么疑问，请告知，我们会完善并且改正。如果您对我们的服务满意，请尽快把尾款三千元存入我们公司的账户，谢谢。

袁方把调查结果打印出来，拿回自己的房里慢慢看。被调查人袁方，男，生于1975年，未婚，中和冷气公司工人。现住西厢塘18-7号。

被调查人袁方家庭背景优越。据调查，袁方的父母、哥哥姐姐皆有良好的职业和较高的社会地位，父亲退休前是市供电局局长，母亲是人民医院副院长。大姐袁圆在南方国际大酒店做总经理。姐夫是名律师饶江红，去年我市打赢的那场著名的葡萄酒官司就是饶律师的案子。二哥袁长是南方大学经济学院院长，是市领导的智囊，据说袁长马上要提拔当副校长了。

被调查人袁方个性独立。袁方高考考了三年，均未考取，第四年他背着家人跑到郊区一家养鸡场做饲养员，两年后进一家技校学机修，学成后应聘到中和冷气公司做空调安装工，一直做到现在。按照袁方的家庭环境，他完全可以坐享其成，或者找一份更好的工作。但他不接受家里人的帮助，一直按照自己的方式生活，自得其乐。也正是因为这个性格，他和家里人的关系有点紧张，父亲基本上就当没有他这个儿子。

被调查人袁方生性善良，乐于助人。袁方从小就是一个富有爱心的人，读小学时，邻居有一个患小儿麻痹症的孩子和他同班，他每天陪这位同学上学，一连陪了五年。临近高考时，班上没有同学愿意劳动，他一个人打扫教室，每天都是值日生。在公司里工作也是这样，他从来不挑活，别人干不完的活，他替别人干，大家都喜欢和他共事。他的邻居对他的评价也不错，他经常用业余时间帮大家免费修空调和其他电器。

据说西厢塘一带一个流氓小头目因为袁方救过他一命，不知如何报答袁方，下令手下不准在袁方居住的街上闹事，现在这条街在治安糟糕的西厢塘一带，成为夜不闭户的地方。

被调查人袁方是一个热爱生活，有艺术修养的人。他每天早上坚持晨跑，一般跑五公里，风雨无阻。喜欢唱歌，拿过单位卡拉OK比赛的第一名，好像还是一家叫“昨日重现”的咖啡厅的兼职歌手。

被调查人袁方作风正派，没有任何不良嗜好，不抽烟不喝酒，不赌不嫖，有一段短暂无疾而终的感情和一段正在发展的感情。读高中的时候他有一个关系很好的女同学，名字叫刘洁。照当时的情形看，他俩有早恋的苗头，后来由于袁方没有考上大学，而刘洁考上了大学，这段来不及发展的感情断了。目前，袁方房东的女儿朱雨兰喜欢他，但是朱雨兰的母亲朱妈极力反对，认为袁方是一个没有前途的打工仔。据我们到袁方住处侦察发现，朱雨兰经常趁袁方上班的时间跑到袁方的房间里，不知道干什么。袁方有一个潜在的情敌叫大贵哥。袁方的态度不主动，大贵哥则过于主动，朱妈也鼓励大贵哥追求自己的女儿，所以袁方的这段感情前景不太被看好。

被调查人袁方的心理素质差，胆怯、优柔寡断。这可能是由于他生长的环境造成的，哥哥姐姐的成就给他压力太大了。他有严重的考试恐惧症，每次考前都会有持续的头痛，高考那天竟然在考前十来分钟休克了。(14)