Vujmingz dieg mizmingz,

Gij funghgingj caen ndei;

Huzlingzsuij geizheih,

Seiqgeiq raemx cungj raeuj.

Vujmingz dieg ceiq ndei,

Gij byaraemx riuzmingz;

Vunz maenh dieg mizlingz,

Bouxsien raen dingzdin.

Vujmingz Huzlingzsuij,

Seiqgeiq vunz daeuj youz;

Raeuz cungj yiedsim coux,

Bouxboux daeuj cungj angq.

Vujmingz diegdeih lengj,

Seizseiz aeu cengqda;

Goengqrin lumj duzbya,

Dauqcawq va lumj fungh.

Vujmingz miz Byacwx,

Gingjsaek gangj mbouj liux;

Byawz daeuj youz cungj riu,

Naeuz ciuhvunz mbouj lumz.

Aen mbanj gou ceiq gyaeu,

Faex heu haeux caen rang;

Raemx saw gyoengq bya sang,

Gij ndei gangj mbouj caenh.

Cungj rox gizneix ndei,

Seiqgeiq miz bouxhek;

Gij byaraemx caen lek,

Bouxboux bekfwngz haenh.

Vujmingz diegdeih gvangq,

Bya sang faex baenzmanj;

Seng okdaeuj lwglan,

Mingz yangz cienz lajmbwn.