Yenz Fangh ca di hemq ok sing daeuj. Gizsaed, mbouj miz maz gingjsiengq ndeilau, sojmiz cungj caem dangqmaz. Linz Coz dinghcub dwk ninz youq gwnz mbonq, daenj ndaej ndei seuq, lumj ninzndaek nei.

Yenz Fangh ndwn miz buenq faen cung, cij fanjwngq gvaqdaeuj, yamq hwnjbae lumj aemq daehndaij nei aemq Linz Coz youq baihlaeng, cung ok douhung.

Guenq saej, swiq dungx, daj cimvenj, Linz Coz gwn bae bingz ywanhmenzyoz ndeu, seizneix dauqdaej lix gvaqdaeuj lo, hawnyieg dwk ninz youq gizhaenx.

Haj roek diemjcung Yenz Fangh itcig hen youq bangxhenz Linz Coz, ndaw uk cij siengj aen vwndiz ndeu — Linz Coz caeuq go’ngeih fatseng le gijmaz saeh?

Yenz Cangz samcib lai bi gaenq guh daengz daihhag ginghci yozyen yencangj, dwg bouxhek gingqcungh si lingjdauj. Goengmingz cungj miz lo, aiq dwg go’ngeih miz le yahnoix. Cawzliux aen yienzaen neix lij miz maz ndaej hawj nangzngeih siengj mbouj doeng ne? Yenz Fangh doeklaeng ca mbouj geijlai doekdingh dwg aen yienzaen neix lo. Linz Coz gyaeundei dangqmaz, Yenz Cangz lij coz couh miz goengmingz, bouxsai miz dungxcaiz mehmbwk gyaeundei, song vunz baenzgya, youq seizhaenx dwg duenh vahndei ndeu ne.

Linz Coz singj gvaqdaeuj coenz vah daih’it dwg cam, gou mbouj caengz dai ba? Coenz vah daihngeih dwg cam, Yenz Fangh, gienh saeh neix mbouj miz vunzwnq roxyiuj ba? Song aen vwndiz neix Yenz Fangh cungj yungh ngaekgyaeuj daeuj hoizdap. Linz Coz soeng gaemz heiq ndeu, naeuz, yienghneix gou couh cuengqsim lo.

Ngeizvaeg go’ngeih miz yahnoix le, Yenz Fangh couh lumj swhgeij miz yahnoix nei, mbouj gamj ngiengxgyaeuj yawj Linz Coz, hix mbouj rox gangj gijmaz vah. Dauqfanj dwg Linz Coz lumj gijmaz saeh mbouj miz nei naeuz, nuengxsam, gou yawj mwngz saeknaj beij gou lij ca, bae ninz yaep ndeu ba.

Yenz Fangh baetfwngz naeuz, mbouj, mbouj yungh, gou di ndeu cungj mbouj baeg.

Linz Coz naeuz, bae ranz ba, ndangdaej gou yienznaeuz miz di nyieg, hoeng lij ndaej hwnj mbonq roengz mbonq, ndaej ciuqgoq swhgeij.

Yenz Fangh riuriu, mbouj guhsing.

Linz Coz raen Yenz Fangh mbouj nyienh deuz, naeuz, mwngz dwg mbouj dwg lau gou youh gwn baez yw ndeu dem ya? Cuengqsim, vunz gwn gvaq yw couh mbouj rox caiq gwn baez daihngeih dem lo.

Yenz Fangh haenq damjliengh cam naeuz, nangz, couhsuenq bae ranz gou hix ninz mbouj ndaek, mwngz gangj gou nyi, dwg mbouj dwg go- ngeih guh le gijmaz saeh doiq mbouj hwnj mwngz?

Linz Coz naeuz, mwngz roxnyinh go’ngeih mwngz baenzlawz doiq mbouj hwnj gou?

Yenz Fangh lumj guh loek saeh nei ngaemgyaeuj naeuz, nangz, mwngz couh caiq hawj go’ngeih aen gihvei bae gaijcingq ba, de lauheiq cij dwg saek seiz ukluenh, seizneix mwngz itdingh gaej bik de, hawj de seizgan, gaej dawz de bik daengz mehmbwk wnq gizhaenx bae liux.

Linz Coz riu hwnjdaeuj, mwngz laihnaeuz go- ngeih mwngz miz yahnoix? Danghnaeuz miz, caen dwg ndei dangqmaz lo, mwngz aiq mbouj saenq, gou moix ngoenz cungj luenhsiengj dwk, maqmuengh de miz yahnoix, gou nyienh de miz gizyawz mehmbwk, hoeng mbouj miz, de doiq mehmbwk di yinx ndeu cungj mbouj miz.

Yenz Fangh doeksaet dwk ngiengxgyaeuj. Linz Coz lumj gangj saehcingz vunzwnq nei, gwnz naj dingh dangqmaz.

Gaej ngeizvaeg gou luenhlaih go’ngeih mwngz, gou cungj siengj bae dai lo, baenzlawz lij bae luenhlaih vunz ne? Aennaj Linz Coz beghau, gag riu swhgeij dwk naeuz.

Couh dwg ngoenz baenzgya, go’ngeih mwngz hix mbouj caeuq gou ninz …… Go’ngeih mwngz dan doiq saw caeuq godiz de mizyinx, gizyawz, de di ndeu cungj mbouj dawz haeuj rwz. De youq ndaw ranzsaw yawjsaw, mizseiz gou dauj cenj raemx haeujbae, de gangj gou dajduenh roennaemj de, gveng cenj deuz, gyaep gou ok ranzsaw. Densigih ndaw ranz gaenq vuenh bae seiq aen lo, aenvih gou gyanghaemh gyaez yawj densi, mizseiz sing lai hung di, de couh gveng densi.

Gou cam de gvaq, gawqyienz mwngz baenzneix mbwq gou, vih gijmaz lij aeu gou guh yah. De han, mwngz gyaeundei, boiq ndaej hwnj gou.

Daxboh daxmeh mwngz cungj maqmuengh dou miz saek boux lwgnyez, geij ngoenz gonq daxmeh mwngz youh dwen daengz. Gou caeuq go’ngeih mwngz gangj gienh saeh neix, mwngz cai de baenzlawz gangj, de naeuz, mwngz bae dajdingq dajdingq, lumjnaeuz ndaej yinzgungh soucingh mizndang. Go’ngeih mwngz lienz youq gienh saeh aeu lwgnyez neix, cungj mbouj nyienh caeuq gou ninz.

Gou caeuq daxmeh gou gangj daengz siengj caeuq go’ngeih mwngz lizvwnh, gyoengqde cungj ndaq gou, naeuz gou itdingh dwg bag lo, naeuz gou ndaej haq hawj go’ngeih mwngz gaenq dwg gyoengqde siu yieng diemj lab gouz daeuj lo, gaej youq ndaw fuk mbouj roxyiuj. Dwg ya, gou daj dieg iq okdaeuj, cawzliux maj ndaej gyaeundei, gijmaz cungj mbouj miz, ndaej haq hawj go’ngeih mwngz, gaenq suenq guh minghndei dangqmaz lo. Gou hix ciengzseiz yienghneix gienq swhgeij.

Geij ngoenz gonq gou bae gwnz hawciengz cawx ndaej duz meuz ndeu, gou siengj Yenz Cangz mbouj miz seizgan dapleix gou, gou caeuq duz meuz iq guhcaemz ba. Mwngz cai go’ngeih mwngz baenzlawz lwi? De gingqyienz oemq dai duz meuz iq youq ndaw majdungj. Gou naeuz, Yenz Cangz, mwngz miz bingh. De youq gwnz naj gou haenqrengz fak le geij baez. Go’ngeih mwngz fak gou liux couh lumj bingzciengz nei, sou doxgaiq bae diemqlaeuj youq, lij gven soujgih hwnjdaeuj, gvaq baenz sam ngoenz hix mbouj hawj gou daj saek aen denva.

Mwngz naeuz, lumj gou yienghneix lix youq lajmbwn miz maz eiqsei ne? Gou lau bungz daengz vunzsug, gou lau vunzwnq cungj haenh naeuz, Linz Coz, mwngz haq ndaej bouxgvan ndei ndeu. Gou lau dauqranz, ndaw ranz caemrwgrwg, lumj youq ndaw guencaiz nei.

Gou siengj gou vanzlij dai bae suenq lo, lix youq lajmbwn saedcaiq mbouj miz gijmaz eiqsei. Gou gwn yw roengzbae mbouj geijlai nanz couh ienqhoij lo, gou vih gijmaz yaek bae dai? Gou baenzneix coz, lij miz haujlai saehcingz ndaej bae guh, danghnaeuz gou dai le, haenx doiq mbouj hwnj swhgeij lai lo, hix doiq mbouj hwnj bohmeh ciengx gou.

(12)

袁方快要叫出来了。其实，没有什么可怕的景象，一切都很安静。林卓安静地躺在床上，穿戴整齐，像睡着一样。

袁方站了将近半分钟，反应过来，大步上前把林卓像背麻袋一样扛到背上，冲出大门。

灌肠，洗胃，输液，吃了一瓶安眠药的林卓终于脱离危险，虚弱地睡着。

五六个小时袁方一直守在林卓床边，脑子里只想一个问题——林卓和二哥之间究竟发生了什么事情？

袁长三十多岁已经做到大学经济学院院长，是市领导的座上宾。功成名就的人，最可能是有了外遇。除了这个还有什么原因能让嫂子想不开呢？袁方最后几乎确定是这个原因了。漂亮得不得了的林卓嫁给年轻有为的袁长，这在当时是一段郎才女貌的佳话呀。

林卓醒来第一句话是，我没死吧？第二句话是，袁方，这事没人知道吧？两个问题袁方都用点头来回答。林卓舒了一口气，说，那我就放心了。

怀疑是二哥有了外遇后，袁方就跟是自己有了外遇一样，不敢正眼瞧林卓，也不知道说什么话。反而是林卓没事一样说，三弟，我看你的脸色比我还差，去睡一觉吧。

袁方摆手说，不，不用，我一点也不累。

林卓说，回去吧，我身子虽然有点虚但能上能下，可以照顾自己。

袁方笑笑，不吭声。

林卓看袁方没有走的意思，说，你是不是怕我又吃一次药呀？放心吧，吃了一次的人不会再吃第二次的。

袁方鼓起勇气说，嫂子，回去我也睡不着，你告诉我，是不是二哥做了什么对不起你的事了？

林卓说，你认为你二哥怎么对不起我了？

袁方做错事般低着头说，嫂子，你就给二哥一个改正的机会吧，他也许只是一时糊涂，这种时候你一定不要逼他，要给他时间，不要把他完全逼到别个女人那里。

林卓笑起来，你以为你二哥有了外遇？如果有，那该多好啊，你可能不信，我每天胡思乱想巴不得他有了外遇，我宁可他有其他的女人，可是没有，他对女人一点兴趣也没有。

袁方吃惊地抬起头。林卓像在说别人的事情，脸上很平静。

不要怀疑我污蔑你二哥，我连死的心都有了，怎么还会污蔑人呢？林卓苍白的脸上浮出了一丝自嘲的笑容。

就是新婚之夜，你二哥也没和我同房……你哥哥只对书本和他的课题有兴趣，其他的，他一点都不在乎。他在书房看书，有时我给他倒一杯水进去，他说我打断了他的思路，把水杯砸了，把我赶出书房。家里的电视机已经换了四台了，因为我晚上喜欢看电视，有时声音稍大，他就砸电视。

我问过他，既然你这么讨厌我，为什么要娶我。他说，你漂亮，配得起我呀。

你爸爸妈妈总希望我们有一个孩子，前几天你妈妈又提了。我跟你哥哥说这件事，你猜他怎么说，他说，你去打听打听吧，好像可以人工授精。你哥哥连要孩子都不愿碰我。

我跟我妈妈说想跟你二哥离婚的事，他们全都数落我，说我一定是疯了，说我能嫁给你哥哥已经是他们烧高香烧来的，别身在福中不知福。是啊，我一个小地方出来的姑娘，除了长得漂亮什么都没有，能嫁给你二哥已是走运了。我也经常这么劝自己。

前几天我到市场上去买了一只猫，我想袁长没时间搭理我，我就和小猫玩吧。你猜你哥哥怎么了？他竟然把小猫闷死在马桶里。我说，袁长，你有心理病。他在我脸上狠狠地扇了几巴掌。你二哥打了我像往常一样收拾东西住酒店，还把手机关了，整整三天也没有给过我一个电话。

你说，像我这样活着有什么意思呢？我害怕碰到熟人，我害怕别人总是用羡慕的口气说，林卓，你嫁了一个好老公。我害怕回家，家里死气沉沉的，像待在一口棺材里。

我想我还是死了算了，活着实在是没有意思。我把药吃下去不久我就后悔了，我为什么要死？我这么年轻还有许多事情要做，如果我死了太对不起自己，也对不起养我的父母。 (12)