Song bi neix daeuj, Genzgyangh 4A gaep gingjgih gyalai 4 aen, gyoepsuenq daengz 7 aen, Cozsuij Gingjgih ndaej doenggvaq guekgya 5A gaep gingjgih gingjgvanh caetliengh bingzsaemj; vunzsoq bouxhek caeuq lijyouz cunghab souhaeuj bi bingz- yaenz demfuk daengz 80%, fathwnj couzguh Byavujlingz lijyouz hwngfat lenzmungz, aen hoih lenzmungz gaiq daeuz hai ndaej baenz……

Guh hung lijyouz cauhlaeb Genzgyangh daengx dieg lijyouz

Geiqciet seizcin, Cingaeuq Coz- suij, baenz aen baenz aen ranzcanx doxlienz caezcingj baiz youq giz haenx, bouxhek youq ndawde lumj byaij youq ndaw fuk veh nei.

Cozsuij Gingjgih dwg gij “diemj- yinxbauq” lijyouz hwngfat lohnaemj Genzgyangh “it singz cujdauj、it dah ragdoengh、it diemj yinxbauq、daengx dieg lijyouz”, youq bi 2015 byaibi hainduj cauhlaeb 5A gaep gingjgih, youz Cingaeuq Cozsuij、Anhoz Bujvah song aen 4A gaep gingjgih caeuq suen yawjngonz nungzyez daihneix Bujvah gapbaenz. Aen giuzbumz seiqgyaiq daih’it、cingaeuq、heiqgaeuq、anhoz、conghgamj、mbaetsou、gijgwn ndei、youq gwnz raemx guh’angq daengj hawj vunz mbouj siengj dauqma,

Mbaw “mingzben” wnq Genz- gyangh lijyouz——Bahlahhuz Gingj- gih youq henz singz Genzgyangh, miz daengx guek caiqlij Yacouh aen gexlueg hung hawsingz dandog、seiqgyaiq fuk guenyaem vehbangxdat ceiq sang daengj lijyouz swhyenz dijbauj. Cawz aen gexlueg hung hawsingz diuzgienh ndei neix, Genzgyangh lij doenggvaq cauhlaeb Cungguek hawsingz binjbaiz “dieg veiswngh guekgya、aen singz vwnz- mingz daengx guek” song aen mingzdaeuz miz caetliengh sang、cauhlaeb nanzdoh ceiq hung neix, daezswng hawsingz binjcaet, doi- doengh hawsingz lijyouz doxyungz, “cujdauj” lijyouz hwngfat.

Genzgyangh Gih laebdin lijyouz gunghawj fuengmienh guh gezgousing gaijgwz, doidoengh ginghci hwngfat caetliengh gaijbienq、yauliz gaijbienq、doenghlig gaijbienq, daezswng lijyouz canjbinj caetliengh, doidoengh guh- baenz lijyouz hwngfat dungnwngz moq.

Guh ak lijyouz dajcauh Genzgyangh daengx dieg lijyouz

Genzgyangh gijndei swnghdai laebdaeb cuengq ok. Swnghdai vanz- ging ndei, dwg gij daej Genzgyangh hwnjguh “dieg ak lijyouz”. Genz- gyangh bya heu raemx saw、seiqgeiq faenmingz、hoengheiq singjsien、dien- heiq hab vunz. Gonqlaeng ndaej “saekloeg Cungguek·aen hawsingz swnghdai saekloeg okhingz” “aen gunghyenz ndoengfaex guekgya” “aen gunghyenz diegcumx guekgya” daengj swnghdai binjbaiz, gijndei swnghdai gagmiz neix cingq yinx ndaej yied daeuj yied lai bouxhek rog guek ndaw guek.

Genzgyangh lijyouz ciengx ndang baenz guh. Hwngfat lijyouz ciengx ndang, dwg gij aeuyungh yienhsaed Genzgyangh hwnjguh “dieg ak lijyouz”. Genzgyangh lij dajcauh “it cin it singz it giyez it suen it lenzmungz”, couh- dwg aen cin mizmingz ciengx ndang Cungguek ndeu、aen “hawsingz cangh Cungguek” ndeu、aen giyez lijyouz hwnj haw ndeu、aen suen canjnieb ciengx ndang ndeu caeuq Byavujlingz lijyouz hwngfat lenzmungz, hwnjguh dieg guhyiengh lijyouz ciengx ndang guekgya, guh hung ciengqyiengj “Genzgyangh moqsag·dieg ndei ciengx ndang” lijyouz binjbaiz.

Genzgyangh comz sanq goeng- naengz ngoenz ak gvaq ngoenz. Lijyouz comz sanq naengzlig hung’ak dwg hwnjguh “dieg ak lijyouz” wnggai miz de, hix dwg Genzgyangh dajcauh aen cungsim comz sanq lijyouz Byavujlingz、dieg lijyouz gozci okmingz、aen hawsingz lijyouz youq- ndwi rog guek ndaw guek okmingz. Genzgyangh Gih dwg guek、si dinghvih aen hawsingz cungsim dieg- bya Vujlingz、aen hawsingz cungsim gyoengq hawsingz Cwngzyiz caeuq aen hawsingz cungsim Yizdunghnanz, roenloh doiq rog fuengbienh youq dieg neix haemq yienhda.

Guh ndei lijyouz doi- doengh Genzgyangh daengx dieg lijyouz hwngfat caetliengh sang

Guh ndei lijyouz, Genzgyangh lij haeujlaeg saedhengz gij leixniemh “raemx saw bya heu couhdwg byagim bya’ngaenz”, gyavaiq cauhlaeb aen singz vwnzmingz daengx guek, hwnj- guh aen hawsingz swnghdai saekloeg gozci okmingz; haeujlaeg hengzguh lajmbanj saenqhwng canloz, dawz Genzgyangh dangguh aen gingjgih hung ndeu daengj gviveh hwnjguh, dajcauh lajmbanj gyaeundei. Guh ndei lijyouz, Genzgyangh lij giethab hengz- guh lajmbanj saenqhwng canloz hengzdoengh dajveh, coglaeng 2 bi guhbaenz 5 fanh moux dieg guhyiengh makmizhouzdauz cuzgouj guekgya gaep, hwngfat “moux ndaej fanh maenz” lizdij nungzyez 6 fanh moux, guh aen cin lijyouz daegsaek 7 aen doxhwnj, cauh diuz roen lijyouz cingbinj lajmbanj 10 diuz doxhwnj, cauh dieg guhyiengh lijyouz lajmbanj 10 aen doxhwnj, gyalai ranz beksingq guhbaenz ranzdozninz 500 ranz, damqra diuz roen hwngfat “lajmbanj saenqhwng+lijyouz+banggungz”, gyavaiq dawz Genzgyangh dajcauh baenz aen hawsingz lijyouz youqndwi ciengx ndang rog guek ndaw guek okmingz、dieg guhyiengh lijyouz gemj gungz baenz miz、gyaranz vuenyungz gyaranz gyaeundei daengx dieg, mboujduenh hawj vunzlai ndaej vuenyungz.

(《Vujlingz Duhsi Bau》hawj gauj)