Cuh Yijlanz angq diuq hwnjdaeuj, youq gwnz mbaq Yenz Fangh dub gienz ndeu, naeuz, Yenz Fangh mwngz caen ndei, raeuz ngoenz yietnaiq okbae guhcaemz ndei lwi? Gou daiq mwngz bae aen dieg ndei ndeu.

Yenz Fangh cam, dieg ndei lawz?

Gamjfangz.

Dwg mbouj dwg aen gamjfangz youzlozyenz ngamq hai haenx?

Neix mwngz hix rox a, ndei lai lo, dingqnaeuz aen gamjfangz haenx guh ndaej gig ndeilau, ndaej haep dai vunz ne.

Gamjfangz doengh aen dieg neix, Yenz Fangh dwg dingq Yauz Siujcenz gangj gvaq. Yauz Siujcenz gyaepgouz doengzyieng Dahyingh, gyaepgouz ndaej mbouj daiq swnh, couh dajsuenq daiq Dahyingh bae yawj gamjfangz.

Bae gaxgonq de caeuq Yenz Fangh boq gangj gij dajsuenq swhgeij: Haeuj le gamjfangz, caj fangz ya iucing ya fwt diuq okdaeuj, Dahyingh itdingh haep ndaej coemj haeuj ndaw rungj gou daeuj, gou couh beng dwk fwngz iq de, got dwk hwet de menhmenh youq gyang laep ……

Yenz Fangh gig boiqfug Yauz Siujcenz, de cawjeiq daegbied lai. Hoeng hojsik aen cawjeiq Yauz Siujcenz neix doeklaeng mbouj ndaej saed- yienh.

Bae yawj gamjfangz ngoenz haenx Dahyingh lij heuh dahdoih ndeu riengzlaeng. Haeuj congh seiz Dahyingh byaij youq cungqgyang, dahdoih mbeihung byaij baihnaj, Yauz Siujcenz byaij baihlaeng. Yauz Siujcenz doeng gyaep sae gyaep, ndawsim angqyoekyoek caj dwk, aen doxgaiq daz linx hoengz byoemgyaeuj nyungqnyangj ndeu daj roen mienh haenx sawqmwh danh ok, Dahyingh hemq sing ndeu, Yauz Siujcenz ajhai song gen, dahsau mbouj yiengq baihlaeng coemj gvaqdaeuj, cix dwg yiengq baihnaj got dahdoih swhgeij bae lo.

Cuh Yijlanz gangj daengz gamjfangz, Yenz Fangh mbouj youz bonjfaenh dwk ngeix daengz gij yienghceij huk Yauz Siujcenz ajhai song gen got hoengheiq haenx, nyaenx mbouj ndaej riu lo.

Ngoenz yietnaiq Yenz Fangh caeuq Cuh Yijlanz mbwn ronghriri couh ganj daengz youzlozyenz. Vunzguenj dwg daegcoz ndeu, ajrumz dajhai dienhcab, ndaw bak lij gangjsebseb, sou daeuj ndaej caen romh ya, ngoenz yietnaiq hix mbouj lai ninz di.

Vunzguenj gangj ndaej Yenz Fangh cungj mbouj eiqseiq lo. Yenz Fangh caegcaeg genjdauj, swhgeij miz di angq gvaq gyaeuj lo, Yauz Siujcenz aen cawjeiq haenx youq ndaw uk yukyon de, hawj de doeng ngeix sae siengj. De caeg yawj Cuh Yijlanz, Cuh Yijlanz ndaw fwngz gaem miz song mbaw biuq, deqmuengh dwk mbouj miz loeng dwk ndwn youq bangxhenz.

Yenz Fangh naeuz, sien gangj ndei lo, yaep ndeu haeujbae mwngz deng haep daej le gou mbouj fucwz.

Cuh Yijlanz daz linx, daej cungj mbouj cinj ma? Gou bau mbouj ndaej swhgeij mbouj daej. Cuh Yijlanz angqvauvau sien ndonj haeuj gamjfangz.

Baez haeuj gamjfangz dwg diuz deihgoengq gaeb raez ngamq gaeuq boux vunz ndeu gvaq, rumz liengzseuseu, daeng yaep rongh yaep myox, sing daej mumjmumj gyumqgyumq, guh ndaej caen dahraix haep vunz. Baez van, sojmiz daengrongh cungj mbouj miz lo, aeu lumh laep baenaj. Gwnz gyaeuj gyoengqde boq gvaq raq rumz ndeu, dawz byoemgyaeuj gyoengqde boq hwnjdaeuj, song vunz ngiengxgyaeuj yawj, song diemj daengmyon heuswdswd mbouj guhsing dwk cim gyoengqde, Cuh Yijlanz hemq sing ndeu, yiengq ndaw rungj Yenz Fangh coemj gvaqdaeuj.

Vunzgonq ndaem faex vunzlaeng yietliengz, Yenz Fangh docih Yauz Siujcenz.

Saundei lij mbouj caengz laemx daengz ndaw rungj, soujgih Yenz Fangh cix sawqmwh yiengj hwnjdaeuj. Lingzsing yiengj mbouj dingz, vadgae dwk senhgau gizneix lij dwg aen seiqgyaiq yienhsaed ndeu, gij ndeilau caeuq caem haenx cungj sanq liux lo.

Cuh Yijlanz gig hojnanz cij dingz youq baihnaj Yenz Fangh geij hauzmij gyae, geij geu byoemgyaeuj engqlij gaenq bungq daengz le naj Yenz Fangh.

Ciep roxnaeuz mbouj ciep? Mbouj ciep yienh ndaej ndawsim miz fangz, engq mbouj swhyienz. Yenz Fangh mbon soujgih okdaeuj, gag gaij najmong naeuz, seizneix soujgih fuzvu dwg yied daeuj yied ndei lo, lienz ndaw neix cungj miz saenqhauh.

Dwg beixnangz Linz Coz daj daeuj.

Sing Linz Coz beij sing ndaw gamjfangz lij gvaiq, miz heiq mbouj miz rengz dwk naeuz, Yenz Fangh, mwngz vaiq daeuj ranz gou baez ndeu, gou yaek dai lo, gou gwn le ywanhmenzyoz, mwngz vaiq daeuj gouq gou, gienh saeh neix ciengeiz mbouj hawj daeggo caeuq vunz ndaw ranz roxyiuj, hix mbouj hawj vunzwnq roxyiuj, Yenz Fangh, vaiq daeuj — gouq gou, itdingh — mbouj hawj vunzwnq roxyiuj……

Denva goenq lo. Linz Coz baenz beixnangz Yenz Fangh gaxgonq caeuq gvaqlaeng, coengzlaiz mbouj hawj Yenz Fangh daj gvaq denva, sawqmwh daj aen denva daeuj, sawqmwh naeuz aeu gouqmingh. Yenz Fangh fwngz dawz denva siengj le gig nanz, siengj mbouj mingzbeg, hoiz daj aen denva ndeu gvaqbae, denva ranz go’ngeih ciemqsienq, cij yiengj dududu. Yenz Fangh youh daj soujgih Yenz Cangz, soujgih gvengih.

Aensim Yenz Fangh diuqbubbub, yienzhaeuh itloh yiengq baihlaj doek. De doiq Cuh Yijlanz naeuz, Yijlanz, ranz gou miz di saeh, deng ganj baema, raeuz lingh ngoenz caiq daeuj ndei mbouj ndei?

Mbouj soujduenq ndaej gig mbouj miz leixyouz, aeu Cuh Yijlanz doengcingz mingzbeg gig nanz. Cuh Yijlanz mbaeumbaeu naeuz, mwngz bae ba, gou gag menhmenh yawj.

Yenz Fangh mbouj miz seizgan caeuq Cuh Yijlanz gejnaeuz, buet ok youzlozyenz, cung daengz gwnz gaihung lanz gyaq cico ndeu, cigsoh hai daengz laj laeuz ranz go’ngeih.

Douranz go’ngeih mbouj suj maenh, baez doi, couh hai lo. Yenz Fangh byaij daengz ndaw ding heuh, go’ngeih, go’ngeih. Mbouj miz vunz han. De youh heuh, nangzngeih, nangzngeih. Vanzlij mbouj miz vunz han.

Ndaw ranz caemrwgrwg, aencung gwnz ciengz dida dida yiengj. Yenz Fangh yiengq dourug yawj bae, ndaw hoz niunangq. Caeuq Cuh Yijlanz yawj yingjdez daiq lai, gij cingzgingj luenhlablab haenx youq ndaw uk baez cug baez letyienh.

Yenz Fangh menhmenh nod daengz dourug, gwnz najbyak dumz liux, de haebhaeb heuj, yo din dik youq gwnz dourug, dourug deng dik hai lo.(11)

朱雨兰欢呼跳起来，在袁方肩膀上捶了一拳头，说，大好人袁方，我们星期天出去玩好吗？我带你上一个地方。

袁方说，什么好地方？

鬼洞。

是不是游乐园新开的那个鬼洞？

这你也知道啊，太好了，听说那鬼洞弄得阴森恐怖，吓死人了。

鬼洞这地方袁方是从姚小泉那里听来的。姚小泉追老乡阿英追来追去关系始终没进一步，就策划带阿英去看鬼洞。

去之前他跟袁方吹嘘其策划：进了鬼洞，等那些鬼鬼怪怪的东西猛地蹦出来，阿英肯定吓得扑进我怀里，我会拉着她的小手，搂着她的腰慢慢地在黑暗中……

袁方没有办法不佩服姚小泉这小子鬼点子多。只可惜姚小泉的奸计最后没得逞。

去看鬼洞那天阿英还叫了一个姐妹。进洞的时候阿英走中间，大胆的姐妹走前边，姚小泉殿后。姚小泉东张西望美滋滋等待着，一个吐着红舌头披头散发的东西从侧道突然弹出来，阿英大叫一声，姚小泉张开双臂，姑娘没有往后扑，往前抱她的姐妹去了。

朱雨兰提到鬼洞，袁方不由自主想到姚小泉张开双手抱空气的傻样，嘴角冒出笑来。

周末袁方和朱雨兰一大早赶到游乐园。管理员是个年轻小伙，打着哈欠把电闸打开，嘴里喃喃，你们来得可真早呀，大周末的也不睡个懒觉。

管理员把袁方说得不好意思了。袁方私下检讨，自己有点兴奋异常了，姚小泉那个策划在潜意识里干扰他，让他想入非非。 他偷看朱雨兰，朱雨兰手上攥着两张门票，一脸期待一脸无辜地站在身边。

袁方说，先说好了，一会儿进去吓哭了我不负责。

朱雨兰吐舌头，哭也不准人哭吗？我可不能保证我不哭。朱雨兰兴冲冲一马当先钻进鬼洞。

鬼洞进去是一条仅能容一人穿过的狭长隧道，冷风飕飕，灯光忽明忽暗，哭声隐隐约约，气氛营造得果然吓人。拐了一个弯，所有的灯光都没有了，要凭感觉前进。从他们的头皮上滑过一阵风，把他们的头发带起来，两人抬头看，两点绿油油的荧光不声不响盯着他们，朱雨兰大叫一声，向袁方的怀里扑来。

前人栽树后人乘凉，袁方感谢姚小泉。

美人还没倒到怀中，袁方的手机突然响起来。铃声不折不挠地响，颇为滑稽地宣告这还是个现实世界，原本阴森恐怖的气氛一扫而光。

朱雨兰硬生生在与袁方只有几毫米距离的地方停住了，她的几缕头发甚至已经掠过袁方的脸。

接还是不接？不接显得心怀鬼胎，局面更尴尬。袁方把手机掏出来，自我解嘲，现在手机服务是越来越好了，连这里头都有信号。

是嫂子林卓打来的。

林卓的声音比鬼洞里的声音还要怪异，有气没力的：袁方，你快到我家里来一趟，我不行了，我吃了安眠药，你快来救我，这事千万不要让你哥哥和家里人知道，也不要让其他人知道，袁方，快来——救我，一定——不要让其他人知道。

电话断了。林卓在成为袁方嫂子之前和之后从来没给袁方打过电话，突然打来一个这样的电话，突然说要救命。袁方拿着电话想了好一会儿，想不明白，反打了一个电话过去，二哥家的电话是占线的嘟嘟声。袁方又拨袁长的手机，手机是关机的。

袁方的心怦怦一阵乱跳，然后一路往下掉。他对朱雨兰说，雨兰，我家里有点事，得赶回去，我们改天再来好不好？

这种没来由的失约，要朱雨兰通情达理很难。朱雨兰淡淡地说，你走吧，我一个人自己慢慢看。

袁方没时间跟朱雨兰解释，跑出游乐园，冲到大街上拦了一辆的士，直接开到二哥家楼下。

二哥家的大门口没有锁死，门一推就吱呀开了。袁方走到客厅里叫，二哥，二哥。没有人应。他又叫，二嫂，二嫂。还是没有人应。

房子静得要命，墙上的钟嘀嗒嘀嗒响。袁方的眼睛投向卧室的门，喉咙发黏。和朱雨兰看的碟太多，乱七八糟的情境在脑子一遍遍地过。

袁方慢慢挪近卧室门，额上润湿一片，他咬咬牙，提腿一脚踹到卧室门上，卧室门应声而开。 (11)