Hungzhoz byongjraemx gunj,

Cojgyangh vunz sim’angq;

Raeuz gyaez gungcanjdangj,

Sim cang Veiz Bazginz.

红河浪涌波连波，左江人民心欢乐；

咱们热爱共产党，心里装有拔群哥。

Gungcanjdangj lingjdauj,

Mauz cujsiz yinx bing;

Baez hoenxciengq cungj hingz,

Riuzmingz doh dienyah.

中国共产党领导，毛主席缔造之兵；

战无不胜多威武，神州大地传美名。

Gungcanjdangj lingjdauj,

Cauh Sawcuengh caen ndei;

Bouxcuengh haengj fouzbeij,

Hab’eiq haibak riu.

中国共产党领导，创制壮文真是好；

壮族人民都欢喜，大家惬意开怀笑。

[Geiq Youq Baihlaeng] Gij fwen neix dwg bihaenx gou youq Guengjsae Vujmingz Suenggiuz Yangh Mbanj- naznoix saedsib seiz soucomz. Gou dwg Bouxgun, seizde ndaej 23 bi, daj Cunghyangh Minzcuz Yozyen youq Baekging daeuj daengz Mbanjcuengh, caeuq vunz bonjdieg hag gangj Vahcuengh. Ndaejnyi vunz Mbanj- naznoix aeu Vahcuengh daeuj eu gij fwen neix, ndawsim gou gikdoengh dangqmaz. Seizde gou caengz rox gangj Vahcuengh geijlai, hoeng sad hag rox gij fwen neix. 62 bi gvaqbae lo, gou lij geiq youq ndawsim, caengz lumz saekdi. Seizneix gou gaenq laux lo, youh youq rogguek, fad eu ok gij fwen neix, angqyangz raixcaix. Gou nyinhcaen dwk geiq gij fwen neix dauq diegcoj, caeuq gyoengq beix- nuengx doxfaen gij vuenyungz neix.

Bi 2018 ndwen 1 ngoenz 25 Beizgangh youq Niujyoz sij.

【后记】 这三首革命歌谣，是当年我在广西武鸣县双桥乡那内村实习讲壮话时收集到的。那时我23岁，是一个从北京中央民族学院，来到壮乡正在“牙牙学语”的汉族青年。听到那内村人用简洁淳朴的壮话来唱山歌，真是激动无比。在我还不太会讲武鸣壮话的情况下，居然把这三首壮族山歌学会了。62年过去了，至今仍牢记在心，未有忘却。如今我已垂垂老矣，又在异国他乡，偶然间唱这三首山歌，心中十分快乐。谨将它们寄回家乡，与贝侬们分享我的快乐。

2018年1月25日培康记于纽约。