Ndwen 4 ngoenz 12 daengz ndwen 5 ngoenz 12, Siengcouh Yen yungh ndwen ndeu, comz haiguh aen hozdung senhconz minzcuz doxgiet cinbu, aeundaej cingzcik yienhda.

It dwg senhconz hozdung neiyungz fungfouq hingzsik lai yiengh. Ndwen hozdung geizgan, gak yanghcin、yenciz gihgvanh danhvei youq bakroen cujyau、bakdou danhvei caeuq cung- sim gvangjcangz yungh Cuengh Gun song cungj saw venj nem boqcuengq 100 lai diuz senhconz byauhyij mizgven minzcuz doxgiet、minzcuz cwngcwz, ringxdoengh boqok senhconz byauhyij 3000 diuz(baez), guh senh- conz banjbau 50 lai gep, fat senhconz swhliu 8000 lai cek(faenh), youq gak cungsim gvangjcangz、segih banh vwnzyi vanjvei 30 lai ciengz, vunzlai gak cuz gaenxmaenx caeuqfaenh, ndaej vunzlai haenh.

Ngeih dwg senhconz haeuj hag- dangz hozdung cingzcik yienhda. Siengcouh Yen Cunghyoz、Daihngeih Cunghyoz song aen gauhcungh hop- heux aen cawjdaez “swnjcienz Cungh- vaz vwnzva·roxyiuj rengzhoengh Mbanjcuengh” faenbied banh ndawhag ingjsiengq doxdax、ndawhag raiz faenzcieng doxdax; Yen Minzcuz Cunghyoz、Yin’gyangh Cin Cunghyoz daengj 13 aen cogaep cunghyoz faenbied haiguh diuq fouxsaux、ringx gengxdiet、bau aendomq daengj conzdungj dijyuz doxdax hozdung, swnjcienz minzcuz vwnzva daj lwgnyez guh hwnj.

Sam dwg ndwen hozdung ndaej vunzlai haenh. Gak danhvei gak bouhmonz cungj dawz minzcuz doxgiet senhconz gyauyuz hozdung yungz daengz cauhlaeb gij lijyouz binjbaiz “sam nyied sam Bouxcuengh”、bang- gungz gunggeng hozdung、lajmbanj gyaeundei hozdung、vih beksingq banh saedsaeh daengj hong bae, ndaej daengz gyoengq vunzlai nyinh- hawj caeuq muengh, aeundaej cingzcik ndei.

(Couh Yajyi)