Ndigah, gyoengq daeggyauh gwnz laeuz ciengzseiz lwnh, Yijlanz mbouj loek, yahdaiq haenq lai.

Cuh Mah cam, mboengqneix hong guh ndaej swnhsim lwi?

Yenz Fangh han, swnhsim swnhsim.

Cuh Mah cam, vunz ndaw ranz lij ndei ba?

Yenz Fangh han, lij ndei.

Cuh Mah naeuz, gou geiq ndaej mwngz dwg vunz bonjdeih, hoeng gig noix raen mwngz bae ranz, ngoenz yietnaiq hix gig noix raen mwngz okdou.

Yenz Fangh o sing ndeu.

Cuh Mah youh naeuz, dwg yienghneix, faenh habdoengz co ranz duh mwngz yaek daengzgeiz lo, sien caeuq mwngz gangj sing ndeu, cienzco yaek hwnjgyaq.

Gangj le buenq ngoenz couh vih coenz vah neix. Yenz Fangh cam, hwnj geijlai cienz?

Cuh Mah iet ok sam lwgfwngz. Yenz Fangh roxnyinh mbouj daiq aiq dwg samcib, samcib Cuh Mah couh mbouj yienghneix siujsim nyinhcaen dwk ra de daeuj gangjvah lo, de cam, sam bak?

Cuh Mah ngaekngaek gyaeuj.

Caekhaex Yenz Fangh liz aen daengqeij buenq conq, siengjsiengj youh naengh le roengzdaeuj. Hwnj sam bak maenz saedcaiq lizgek lai, vaiq lai boix ndeu lo. Yenz Fangh naeuz.

Cuh Mah naeuz, seizneix gijmaz doxgaiq cungj hwnjgyaq, gou hix mbouj miz banhfap, dou song mehlwg couh baengh di cienzco neix gvaq ndwenngoenz lo. Cienzco gou sou bonjlaiz hix mbouj suenq lai, mwngz okbae dajdingq dajdingq, cienzco gou suenq ndaej gig hableix lo.

Yenz Fangh mbouj roxyiuj Cuh Mah diuz nyinz lawz deng coemh vaih lo, aeu cienzco baenzneix lai. Cuh Mah, gou co ranz mwngz gig nanz lo, gangj vahcaen, gou youq gizneix hix youq ok gamjcingz lo, mwngz lai saek bak maenz lij suenq habngamj, seizneix cienzco mwngz beij gyang hawgai lij sang lo. Yenz Fangh naeuz.

Cuh Mah mbe fwngz naeuz, danghnaeuz mwngz mbouj nyienh youq gizneix laebdaeb co roengzbae, gou hix mbouj ndei auqmanz mwngz, mwngz ndaej okbae lingh ra dieg co.

Yenz Fangh naengh mbouj roengzbae lo, ndwn hwnjdaeuj naeuz, ndaej ba, gou song ngoenz neix couh bae ra ranz.

Yenz Fangh daj ndaw rug Cuh Mah okdaeuj, faen cung ndeu hix mbouj dingz, sikhaek buet roengz laeuz, daengz danbauq gyaeuj haw cawx faenh bauqceij ndeu, fanyawj gij coranz gvangjgau, haujlai giz cienzco caen dahraix beij gizneix bienzngeiz lai lo, Yenz Fangh soeng gaemz heiq ndeu.

Cuh Yijlanz gwih cimozdoz gvaq henz Yenz Fangh, din dingj youq gwnznamh, dingz ci cam, Yenz Fangh, yawj gijmaz siusik ndei ne?

Saenqsik co ranz. Yenz Fangh gyaeuj cungj mbouj ngiengx.

Co ranz, mwngz bang bouxlawz co ranz ya?

Meh mwngz mbouj dwg yaek hwnjgyaq cienzco ma? Baez ndeu hwnj sam bak, gou co mbouj hwnj ranz mwngz lo. Yenz Fangh sou ndei bauqceij, doiq Cuh Yijlanz fatheiq.

Cuh Yijlanz saeknaj cungj bienq lo, hai cimozdoz cig cung daengz bakdou ranz, mbouj caj cimozdoz ndaep fiz liux gaemz heiq ndeu buet hwnj laeuz, baez haeuj rug meh couh hujdengdeng cam naeuz, mwngz vih gijmaz hwnjgyaq cienzco Yenz Fangh?

Aiyo, yawj mbouj ok boux vunz neix bak baenzneix vaiq, sikhaek lwnh hawj mwngz nyi lo, cienzco gou youh mbouj dwg dan hwnjgyaq de boux vunz ndeu ndwi. Cuh Mah naeuz.

Sojmiz vunzcoranz cienzbouh hwnj sam bak? Mwngz aen ranz rwix neix dij baenzneix lai cienz? Gou yawj mwngz dwg daegdaengq gyaep vunz deuz.

Dwg, gou dwg siengj gyaep de deuz, mwngz rox couh ndei. Vunz an gunghdiuz ndeu, lauheiq cienzhong moix ndwen lij mbouj daengz cien maenz ba, mboujnex hix mbouj daeuj raeuz gizfwz neix co ranz. Yawj sinhfwncwng de hix dwg vunz ndawsingz, hoeng bingzciengz hix mbouj raen boux caencik lawz daeuj. Gou baenzlawz yawj couh yawj mbouj ok de miz maz ndei, mwngz naeuz mwngz dauqdaej yawj hwnj de gijmaz ne?

Aennaj Cuh Yijlanz fwt bienq hoengz lo, luenh gangj, gou baenzlawz yawj hwnj de lo. Dahlwg ya, mwngz di siengjfap haenx gou lij yawj mbouj okdaeuj ya, miz mbouj miz saeh cungj gyaez buet haeuj ndaw rug de bae youq buenq ngoenz, ndaw rug haenx dwg miz gim roxnaeuz miz ngaenz ne? Ngoenz lawz hawj vunz dauq ranz bungz doiq le gou yawj mwngz baenzlawz guh.

Cuh Yijlanz naeuz, dwgcaengz lai! Mwngz gyaeplaeng caeg yawj gou.

Mwngz gaej caeuq gou guhnyah, mwngz dwg dahlwg gou, gou mbouj vih mwngz causim vih bouxlawz causim? Dahlwg hung le dauqdaej siengj bae haq, hoeng vunz aeu genj ndei, Go’gvei couh mbouj loek, hai aen vangjbah baenzneix hung ndeu, lij miz boux Siujyiz youq caengz daihseiq haenx hix mbouj loek ……

Cuh Yijlanz rongx sing ndeu dajduenh daxmeh, yahguenjranz, saehcingz gou mbouj yungh mwngz causim ——

Cuh Yijlanz daimingh mbouj hawj Yenz Fangh buen deuz, doiq Yenz Fangh naeuz, aen ranz neix gou hix miz faenh, gou co hawj mwngz.

Daj bungz raen Cuh Yijlanz caeuq Go’gvei doxgot le, Yenz Fangh doiq Cuh Yijlanz hix miz di doeknaiq unqduix lo, mboengqneix song vunz hix mbouj daiq doxdap. Seizneix Cuh Mah youh yienghneix, Yenz Fangh hix hwnj le aen siengjfap buen ranz. De naeuz, faex senj dieg yungzheih dai, vunz senj dieg yungzheih lix, gou vanzlij buen ba.

Cuh Yijlanz naeuz, gou gangj mbouj hawj buen couh mbouj hawj buen, mwngz sawq buen yawjyawj. Cuh Yijlanz aen naj iq hoengzyenyen, sing hep, yawj yienghceij miz di gikdoengh.

Yenz Fangh sim sikhaek raeuj lo, hoeng baez siengj daengz Cuh Mah aennaj laepngaungau, sim youh liengz lo. De naeuz, ai, Yijlanz, gou buen okbae mbouj dwg gijmaz saeh hung, gou cij dwg geizheih daxmeh mwngz vih gijmaz dwgcaengz gou, lumjnaeuz mizeiq gyaep gou deuz, mwngz rox vih gijmaz lwi?

Aennaj Cuh Yijlanz engq hoengz lo, naeuz, daxmeh gou couh dwg dam cienz, mwngz gaej buen ndaej mbouj ndaej? Ndaej mbouj ndaej? Cuh Yijlanz buenq maeuq youq dangqnaj Yenz Fangh, cehda ronghliemliem, lumj youq bungj Yenz Fangh nei.

Yenz Fangh sim unq liux, danghnaeuz Cuh Yijlanz caen yienghneix dawz de haeujrwz, mbouj gangj dwg hwnj sam bak maenz, couh dwg hwnj cien maenz de hix mbouj buen deuz. Caeuq daxmeh mwngz gangj gou mbouj buen lo, cienzco couh ciuq de gangj daeuj hawj ba, danghnaeuz aenvih gou hawj mwngz caeuq daxmeh mwngz doxceng, gou hix mbouj eiqseiq youq roengzbae. Yenz Fangh naeuz.

(10)

所以，楼上的单身汉常议论，雨兰不错，丈母娘太厉害。

朱妈说，最近工作还顺心吧？

袁方说，顺心顺心。

朱妈说，家里人还好吧？

袁方说，还好。

朱妈说，我记得你是本市人，可很少见你回家，周末也很少出门。

袁方哦了一声。

朱妈又说，是这样的，你租房的合同快到期了，先跟你打一声招呼，我的房租要涨。

说了半天就为了这一口。袁方说，涨多少？

朱妈伸出三根指头。袁方觉得不太可能是三十，三十朱妈就不会郑重其事地找他谈话了，他说，三百？

朱妈点点头。

袁方的屁股离开椅子半寸，想想又坐下来。三百块太离谱了吧，快翻倍了。袁方说。

朱妈说，现在什么都涨价，我也没有办法，我们孤儿寡母就靠这房租过日子。我本来收你们的价也不高，你出去打听打听，我的价钱算是很公道的了。

袁方搞不懂朱妈哪根筋烧坏了，要这么高的房租。朱妈，我是你的老住户了，说实话，我在这里也住出感情了，你涨百把块还合适，现在你要的比市中心的房价还高。袁方说。

朱妈摊开手说，如果你不打算续租不勉强，你可以出去另找别的地方。

袁方坐不住了，站起来说，好吧，我这两天就找房子。

袁方从朱妈的房间出来，一分钟也不等，咚咚跑下楼，到街头的报摊买了一份报纸，打开翻看上面的租房广告，许多好地段的房租果然比这儿便宜多了，袁方松了一口气。

朱雨兰骑着摩托车擦过袁方身边，支住脚问，袁方，看什么好消息呢？

租房信息。袁方眼皮抬也不抬。

租房，你帮谁租房呀？

你妈不是要涨房租吗？一下涨三百，我是住不起你家的房子了。袁方收起报纸，把火撒向朱雨兰。

朱雨兰脸变了，发动摩托直冲到家门口，不等摩托车熄火一口气跑上楼，一进妈妈的房间劈头就问，你为什么涨袁方的房租？

哎哟，看不出这家伙嘴巴还挺快的，马上向你告状了，房租我又不是单涨他一个人的。朱妈说。

都涨三百？你这破房子值这么多吗？我看你是成心赶人家走。

是，我是想赶他走，你知道就好。一个安装空调的，恐怕每个月的工资还不到一千块吧，不然也不会到我们这么偏的地方租房了。看他身份证也是个城里人，可平时连个来往的亲戚也没有。我左看右看就看不出来他有什么好，你说你到底看上他哪点？

朱雨兰的脸一下涨得通红，胡说，我怎么看上他了。女儿呀，你那点心思我还看不出来，有事没事跑人家房里去待半天，那房子里是有金还是有银？哪天让人家回来撞个正着我看你怎么办。

朱雨兰说，可恶！你跟踪偷看我。

你不要跟我赌气，你是我的女儿，我不为你操心还能为谁操心？女儿大了始终是要嫁人的，可人要选准，大贵哥就不错，开一间这么大的网吧，另外住四楼那叫小余的人也不错……

朱雨兰狂吼一声打断妈妈，管家婆，我的事不用你操心——

朱雨兰坚决不让袁方搬走，对袁方说，这房子也有我的一份，我租给你。

自从撞上朱雨兰和大贵哥亲热的那一幕，袁方对朱雨兰有点心灰意冷了，这段时间谁也不太搭理谁。现在朱妈又是这副德行，袁方搬家的心也起了。他说，树挪死，人挪活，我还是搬吧。

朱雨兰说，我说不能搬就不能搬，你敢搬试试。朱雨兰小脸通红，嗓门沙哑，看样子有点激动。

袁方心里立时暖了，可一想到朱妈的冷脸心又凉了。他说，唉，雨兰，我搬出去不是什么大事，我只是奇怪你妈为什么讨厌我，好像存心要把我赶走，你知道为什么吗？

朱雨兰的脸更红了，说，我妈就是贪钱，你别搬好不好？好不好？朱雨兰半蹲到袁方跟前，眼睛亮晶晶的，一脸讨好。

袁方心软得一塌糊涂，如果朱雨兰真的这么在乎他，不说是涨三百块，就是涨一千他也不搬。跟你妈说我不搬了，房租就按她说的给吧，如果把你和你妈的关系弄僵，我也不好意思住下去。袁方说。 (10)