5 nyied 14 hauh, youq Baksaek Si Yougyangh Gih Vanghden Yauzcuz Yangh giz senjdieg banggungz senj daeuj youq haenx aen cehgenh banggungz, gyoengq gunghyinz cingqcaih nyaengq fudfud dwk guhhong. Aen gih neix gaenxmaenx yinxhaeuj aen giyez yungh vunz lai haenx daeuj doengh aen mbanj neix guh aen “cehgenh banggungz guhhong”, sou gyoengq gungzhoj vunzhong daeuj bakranz bonjfaenh guhhong, saedyienh demsou vutgungz. Daengz dangqnaj, daengx gih gaenq guh ndaej 5 aen “cehgenh banggungz guhhong”, vih vunzlai gungzhoj daezhawj guhhong gangjvei 600 lai aen.

（Luz Gez/陆 杰）