●Ndwen 5 ngoenz 9, Bingzgoj Yen Bangjhih Swh- fazsoj lienzhab Bangjhih Fazdingz、Cunghciban、 Siz- yozgenhsoj yungh ngoenzhaw haiguh senhconz hozdung. Ciuq gyoepsuenq, baez hoz- dung neix gungh fat senhconz swhliu、cek saw iq gungh 500 lai faenh, dap vunzlai vwndiz 50 vunzbaez, senhconz yaugoj haemq ndei.

(Vangz Cwngzveij)

●Mboengqneix, ciengz Gangjsizsoj cetdoengh Heiq- cuengh vwnzyi yienjok yungh “hag senhconz gvancez laj- mbanj saenqhwng canloz” guh cawjdaez haenx youq Dwzbauj Yen Fanghsanh Vwnzdij Gunghyenz yienj, yienhciengz yinx ndaej haujlai vunzlai daeuj yawj. Ciuq cam rox, ndwen 4 daengz ndwen 10 geizgan, aen yienh neix lij yaek giethab saedsaeh, gapbaenz aen duenzgangjsiz bae laj- mbanj gangj, gyavaiq yamqdin lajmbanj saenqhwng.

(Lij Suzbingz)

●Mboengqneix, Guengj- sae Ginzcung Yisuzgvanj lienzhab Liujcouh Si Vwnz- sinhgvangjgiz youq Luzcai Yen banh “ciengqgok seizdaih moq heiq minzcuz gyaeundei”——bi 2018 daengx gih comzyienj heiq caijdiu, gij cozbinj maenhndei daengx gih gak dieg vwnzva’gvanj caeuq yisuz donzdij senjbaij haenx camgya le baez yienjok neix, hawj vunzlai dangdieg yawj baez heiq yinx lai he.

(Lij Cunghvwnz)

●Geij bi neix daeuj, Lungzswng Gak Cuz Swciyen dawz hwnjguh roenloh laj- mbanj caeuq vut gungz gung- geng、lajmbanj saenqhwng gaenjndaet giethab, doenggvaq hengzguh “aen veican hung hwnjguh roenloh lajmbanj”, gaenxmaenx doicaenh hwnjguh roenloh lajmbanj. Daengz seizneix, aen yienh neix 119 aen hingzcwngcunh cungj saedyienh doeng roensuijniz (bwzyouz), fuengbienh vunzlai lajmbanj ok rog, bang doi le hong cinjcing vut gungz.

(Banh Cisiengz)