4 nyied 28 hauh daengz 5 nyied 1 hauh, Yungzsuij Myauzcuz Swciyen youq yienhsingz banh gaiq daih’it banbeizyin swnjcienz fwen Yauzcuz gezyez biujyienj hozdung, 45 boux Yauzcuz canghfwen daj aen yienh neix 8 aen yangh cin 2 aen Yauzcuz cihhi daeuj haenx camgya le mbat hozdung neix.

Mbat hozdung neix dwg aen hozdung hung cingjleix、vatcimh Yauzcuz conzdungj vwnzva, swnjcienz Yauzcuz maenhndei vwnzva ndeu, youz Liujcouh Si Minzcunghveij cawjbanh, Yungzsuij Myauzcuz Swciyen Minzcunghgiz、 Yungzsuij Yauzyozvei ciepbanh. Doeng- gvaq beizyin, gyoengq yozyenz hag rox 30 hot fwen Yauzcuz doxhwnj, bouxboux cungj naeuz baenzneix engqgya ndiepsim soucomz、cingjleix、vatcimh、swnjcienz Yauzcuz conzdungj vwnzva, sawj Yauzcuz youhsiu vwnzva ndaej youq ndawbiengz yaprongh, daihdaih cienz roengzbae.

(Veiz Yungzcunh/韦荣春)