5 nyied 1 hauh (liggaeuq ndwensam cibloeg), youz Lingzyinz Yenveij Senh- conzbu、Vwnzva Dijyuz Sinhvwnz Caeuq Gvangjdengiz、 Minzcuz Swvugiz cawj- banh, Cauzlij Yauzcuz Yangh Dangjveij、Cwngfuj ciepbanh, ciet vwnzva hawfwen “haeujgamj 3·16” aeu “hungzyangz lizsij vwnzva, langhbaij minzcuz fungcingz” guh cawjdaez haenx youq Cauzlij Yauzcuz Yangh Luzcoz Cunh Mbanj Nazbya hoengh banh.

Ngoenz haenx, gyoengq vunzlai daeuj ganj hawfwen haenx daenj buhmoq vaqmoq cietheiq, roxnaeuz comz youq laj dinbya henz dah, roxnaeuz comz youq ndaw mbanj, roxnaeuz caenx haeuj aen ciengzhoih yinxdingh bae, cimz gijgwn ndeigwn, yawj ndawbiengz cietheiq, cwxcaih angqyangz dwk doiq fwen diuq foux, ciengzmienh nauhyied dangqmaz.

Ciuq cam rox, ciet vwnzva minzsuz “haeujgamj 3·16” dwg aen ciet ceiq hung ndawbiengz Lingzyinz caeuq seiqhenz vunzlai he, daj Sungcauz bienq daengz seizneix gaenq miz 900 lai bi lizsij lo.

(Loz Hihhaij/罗希海)