Ciuq yienghneix daeuj yawj, heujnaj mbouj rox luenh doek ya.

Yenz Fangh venj youq rog cueng seiz, Yenz Yenz cingq youq ginghlij bangunghsiz yawj vwnzgen, de dingjlingz ngiengx gyaeuj yawj ok rog cueng bae, yawjraen gwnz laeuzhung doiqnaj giz gyae, venj miz geij boux vunz, haidaeuz de laihnaeuz dwg vunz swiq cuengbohliz laeuz hung, gvaq yaep ndeu caiq yawj, fatyienh gij vunz haenx fwngz dawz aen hab fueng ndeu an youq gwnz bakcueng, cij roxyiuj gyoengqde dwg an gunghdiuz. Yenz Yenz sikhaek siengj daengz Yenz Fangh, geij boux vunz venj youq gizhaenx mbouj rox miz mbouj miz daegsam ne? Yenz Yenz nyaeuq najbyak, cungj hong neix baenzlawz dwg vunz Ranzyenz daeuj guh ne? De gietdingh caiq hix mbouj hawj Yenz Fangh luenh guh lo, mbouj ndaej hawj de siengj guh gijmaz couh guh gijmaz lo.

Yenz Fangh doiq vunz gouqmingh Yauz Siujcenz naeuz, haemh neix gou cingj mwngz gwn caeuz, mwngz gangj, siengj gwn gijmaz ne?

Yauz Siujcenz naeuz, cingj gou gwn caeuz? Huk le cij mbouj gwn, gijgwn ndaw haij.

Yenz Fangh naeuz, ndei, raeuz couh gwn gijgwn ndaw haij.

Yauz Siujcenz naeuz, mwngz gangjriu ba, raeuz youh mbouj fat cienzciengj.

Yenz Fangh naeuz, mbouj miz cienzciengj hix aeu bae gwn, bae haijsenh guengjciengz, vaiq di bae, caj yaep ndeu couh mbouj miz diegnaengh lo.

Yauz Siujcenz danq gaemz heiq ndeu, danghnaeuz rox miz can caeuz neix gou haxbaenh couh mbouj gwn baenzneix lai gojloz lo, mwngz cingj gou gwn caeuz, gou cingj mwngz yawj denyingj ba.

Song vunz daengz haijsenh guengjciengz ra ndaej aendaiz youq baihndaw. Yenz Fangh diemj le baeu manh hom、bya naengj seuq、sahcungz gvaq raemxgoenj, lij diemj le song bingz laeujbizciuj. Yenz Fangh bingzseiz mbouj gwn laeuj, song bingz laeuj haenx dwg vih Yauz Siujcenz diemj. Yauz Siujcenz mbouj yungh cenjlaeuj, hai fa bingzlaeuj cigsoh ndoet, de gwn bingz ndeu, lingh bingz saek haeuj ndaw bak Yenz Fangh, itdingh aeu Yenz Fangh gwn. Yenz Fangh doi mbouj ndaej gvaq, gwn lo, gwn daengz doeklaeng song vunz youh gya le geij bingz.

Yenz Fangh doq caeuq Yauz Siujcenz gwn laeuj doq naeuz, docih, docih. Yenz Fangh docih Yauz Siujcenz banringzgvaq gienq de dauqma, mboujnex, de seizneix aiq gaenq lumj diuzbwn nei mbaeu lo.

Yauz Siujcenz riu naeuz, mwngz cingj gwn, cix lij docih gou?

Yauz Siujcenz mbouj daiq gwn ndaej laeuj, gwn bingz ndeu liux, naj hoengzfwdfwd, sing gangjvah hix yied daeuj yied hung, myaiz sinz bya- bya. De sawqmwh siengj daengz le gijmaz, depgaenh henz rwz Yenz Fangh, sing iq dwk naeuz, caj yaep ndeu raeuz mbouj bae yawj denyingj lo, raeuz bae swiq gyaeuj. Yauz Siujcenz mbeuj bak mbit da, daekeiq dwk riuhehe.

Yenz Fangh raen Yauz Siujcenz baenzneix mbeq hix nyaenx mbouj ndaej riu lo: Mbouj ndaej, gou yaek bae yawj denyingj, gou gig nanz mbouj ndaej yawj denyingj lo.

Yauz Siujcenz bongx gabangq baez ndeu, naeuz, song bouxsai bae yawj denyingj miz maz eiqsei, danghnaeuz itdingh yaek yawj, gou aeu heuh Dahyingh daeuj.

Yenz Fangh cam, bouxlawz dwg Dahyingh?

Yauz Siujcenz depgaenh henz rwz Yenz Fangh naeuz, dwg doengzyieng gou, youq diemqhaeux hwnjban, gou siengj aeu de guh dahyoux. Yenz Fangh, danghnaeuz mwngz gyaez dahsau lawz, heuh okdaeuj raeuz caez bae yawj denyingj.

Yenz Fangh naeuz, gou mbouj miz, gou mbouj miz, mbouj cix mwngz caeuq Dahyingh caez bae yawj, gou mbouj bae yawj lo.

Yauz Siujcenz hemq naeuz, mbouj ndaej, yaek yawj daihgya caez yawj.

Yenz Fangh yungh fwngz saek rwz, gingqrwz swhgeij cungj yaek dek lo.

Yauz Siujcenz mbon ok soujgih daj denva hawj Dahyingh. De naeuz doiqfueng nyi swhgeij cingq caeuq boux baengzyoux ndeu gwn caeuz, gwn caeuz liux yaek caez bae yawj denyingj. Dahyingh lumjnaeuz mbouj daiq nyienh caeuq vunzrog caez bae yawj denyingj, Yauz Siujcenz daemq sing gouz Dahyingh, doeklaeng doiqfueng dapwngq lo. Yauz Siujcenz gven le denva sikhaek bienq ndaej gig daekeiq, dawz laeuj ndaw bingz lij lw cienzbouh dauj haeuj bak bae lo.

Yenz Fangh sim diuq goekrumz diuq naengda diuq, vadfwngz heuh vunzfuzvu daeuj suenq cienz, gungh sam bak lai maenz. Yenz Fangh daj ndaw daehcienz mbon ok seiq mbaw bak maenz gveng youq gwnz daiz, naeuz, mbouj yungh rabouj lo.

Vunzfuzvu simndei daezsingj, bouxhek, dou wnggai lij ra mwngz caetcib bet maenz.

Yenz Fangh lumj sojmiz vunzrae laeujfiz nei, beng fwngz vunzfuzvu naeuz, dahsau, gou gangj mwngz nyi, cienz cungj doxgaiq neix doiq gou mbouj miz maz yungh, mwngz gangj boux vunz ndeu danghnaeuz daj gwnz laeuz sang doek roengzdaeuj banj nyup, roxnaeuz youq gyang roen hung deng ci bungq dai, cienz doiq de daeuj gangj lij miz maz yungh ……

Vunzfuzvu yut fwngz okdaeuj, naeuz, bouxhek, docih lo.

Yenz Fangh caeuq Yauz Siujcenz soemxsax dwk bae naengh gyaq cico ndeu daengz denyingjyen. Yenz Fangh youq conghcueng gai biuq gyaep deuz le Yauz Siujcenz, ciengj cawx biuq, de sing hung doiq vunzgaibiuq naeuz, sam mbaw biuq, song mbaw bingzbaiz, lingh mbaw liz ndaej gyae di, gyae di……

Vunzgaibiuq nyaeuq najbyak, vut biuq ok rog conghcueng.

Yenz Fangh yienh song mbaw biuq bingzbaiz hawj Yauz Siujcenz, naeuz, mwngz caj Dahyingh duh mwngz, gou haeujbae gonq.

Dahyingh lij mbouj caengz daeuj, Yauz Siujcenz gaenjgip dwk yiengq gyang roenhung iet gyaeuj, naeuz, Yenz Fangh, mbouj eiqseiq, hawj mwngz cingj gwn caeuz couh suenq, lij hawj mwngz cingj yawj denyingj.

Yenz Fangh bongxbongx mbaq de, naeuz, beixnuengx ndei, gaej guhhek.

Yenz Fangh riengzlaeng gyoengq vunzlai yiengq diegcazbiuq byaij bae. Miz song vunz gab youq ndaw vunzlai fat cienzdan. Song vunz haenx dwg bouxcungnienz, daenj buhndaw hau, hot lingjdai, mbouj lwnh dwg daj yienghsiengq roxnaeuz cingsaenz daeuj yawj, caeuq vunz youq gyang haw fat cienzdan cungj mbouj doxdoengz. Boux ndeu yienh cienzdan hawj Yenz Fangh seiz, song vunz dwg naj doiq naj, hawj Yenz Fangh yawj de ndaej cingcing cujcuj. (8)

看来门牙不是平白无故被磕掉的。

袁方吊在窗外的时候，袁圆正在她的经理办公室处理文件，她偶然抬头看出窗外，看到对面远处的大楼上吊着几个人，一开始她认为是清洗大楼玻璃窗的工人，过一会儿再看，发现那些人拿着方方的盒子安在窗台上，才知道是安装空调的。袁圆马上想到袁方，吊着的人里头不会有三弟吧？袁圆皱起眉头，这种活怎么是袁家人干的呢？她决定再不能由着袁方的性子来了，不能让他想干什么就干什么了。

袁方对救命恩人姚小泉说，今晚我请你吃饭，你说，想吃什么？

姚小泉说，请我吃饭？不吃是白痴，海鲜。

袁方说，好，我们就吃海鲜。

姚小泉说，你开玩笑吧，我们又没发奖金。

袁方说，没有奖金也要吃，到海鲜广场，早点走，等会儿没位置了。

姚小泉叹了一口气，早知道有这顿饭我刚才就不喝那么多可乐了，你请我吃饭，我请你看电影。

两人到海鲜广场找了一张靠里的桌子。袁方点了香辣蟹、清蒸鱼、白灼沙虫，还点了两瓶啤酒。袁方平时不喝酒，酒是替姚小泉点的。姚小泉不用酒杯，打开瓶盖直接对着嘴喝，他喝一瓶，另一瓶塞到袁方嘴里，一定要袁方喝。袁方经不住劝，喝了，喝到后来两人又加了几瓶。

袁方一边和姚小泉碰瓶一边说，感谢，感谢。袁方是要感谢下午姚小泉把他劝回来，不然他现在可能已经轻若鸿毛了。

姚小泉笑着说，你请客还谢我？

姚小泉的酒量不怎么样，喝完一瓶，红光满面，说话声音越来越大，唾沫四处飞溅。他突然想到什么，神秘地把嘴巴靠近袁方的耳朵说，等会儿我们不去看电影了，我们去洗头。姚小泉挤眉弄眼，得意地嘻嘻笑。

袁方看姚小泉的风骚样忍不住也笑了：不行，我要看电影，我很久没有看过电影了。

姚小泉在大腿上拍了一巴掌，说，两个男人看电影有什么看头，如果一定要看，我要叫上阿英。

袁方说，谁是阿英？

姚小泉又把嘴巴凑到袁方耳边说，是我老乡，在快餐店上班，我想追她。袁方，你如果有喜欢的女仔，叫出来我们一起去看。

袁方说，我没有，我没有，要不你和阿英一块儿看，我不看了。

姚小泉用吵架的嗓门喊，这不行，要看大家一起看。

袁方用手捂耳朵，耳膜快被震破了。

姚小泉掏出手机打电话约阿英。他向对方汇报自己正在和一个朋友吃饭，吃完饭后一起去看电影。阿英好像不太愿意有外人和他们一起去看电影，姚小泉压低声音求阿英，最后对方答应了。姚小泉挂了电话马上变得踌躇满志，把瓶子里剩下的啤酒搜罗干净，全部倒进嘴里。

袁方心跳太阳穴跳眼皮跳，挥手把服务员招过来算账买单，账目是三百来块。袁方从钱夹子里掏出四张大票扔到桌上，说，不用找了。

服务员善意提醒，先生，我们应该还找你七十八块。

袁方像所有醉了的色狼一样，攥住服务员的手说，小姐，我告诉你，钱这东西对我没用，你说一个人如果从楼上掉下来摔个稀巴烂，或者在马路上被车撞死，钱对他有什么用……

服务员把手抽出来，说，先生，谢谢了。

袁方和姚小泉摇摇晃晃打的到电影院。袁方在售票窗口把姚小泉挤开，抢着买票，他对售票员大声说，三张票，两张挨一块，另外一张离得远远的，远远的……

售票员皱着眉头，把票扔出窗外。

袁方把两张挨一块的票递给姚小泉，说，你等你的阿英，我先进去了。

阿英还没来，姚小泉焦急地朝马路上伸长脖子说，袁方，不好意思，让你请吃饭又让你请看电影。

袁方拍拍他的肩膀，说，好兄弟，不客气。

袁方顺着人流朝检票口走去。有两个人戳在人流中发传单。这两个人是中年人，穿着白衬衫，打着领带，和在大街上发传单的人在精神面貌上有着本质的区别。其中一人把传单递到袁方手里的时候，和袁方扎扎实实地打了一个照面。 （8）