Riuznaeuz gaxgonq vuengzdaeq gwnzmbwn raen duzmou ukgyaeuj lingz, couh baij de bae cae reihnaz. Duzmou naemj: Cae reihnaz lek ndit lek fwn, sinhoj lai. Ndigah de bae gouz vuenh hong. Vuengzdaeq gwnzmbwn couh hawj de bae rag ci, hawj duzvaiz bae cae reihnaz.

Duzmou naemj: Rag ci ngoenznaengz baedauq, beij cae reihnaz lij baeg. De bae gouz vuenh hong. Vuengzdaeq gwnzmbwn hawj de hen ranz, hawj duzmax bae rag ci.

Duzmou naemj: Hen ranz yienznaeuz mbouj deng ndit dak fwn rwed, hoeng ngoenz daengz hwnz cungj aeu hen, lij mbouj ndaej ninz. De ngeix bae ngeix dauq, vanzlij bae gouz vuenh hong.

Vuengzdaeq gwnzmbwn cam:“Mwngz naemj guh hong maz ne?” De dap:“Guh maz cungj ndaej, hoeng aeu ndaej gwn gaeuq ninz gaeuq.” Baenz- neix, vuengzdaeq gwnzmbwn mbouj hawj de guh hong, hawj duzma bae hen ranz.

Daj seizde hwnj, duzmou gwn le ninz, ninz hwnq gwn, lix ndaej angqyangz. De naemj: Ngoenzneix gvaq ndaej baenzneix cwxcaih, caek- laiq swhgeij coengmingz.

De baenzlawz rox vuengzdaeq gwnzmbwn caeuq gyoengqvunz gangj, duzmou mbouj guh hong, caj de majhung couh gaj de gwn noh. Duzmou dai youq ndaengndieng caeuq gik lai.