“Sam Nyied Sam Bouxcuengh· Aen Ciet Angq Guengjsae” Vahcuengh

Doeg Gingdiemj Doxdax Youq Guengjsae Sawcuengh Hagdangz Banh

Ndwen 4 ngoenz 28 banhaemh, “sam nyied sam Bouxcuengh·aen ciet angq Guengjsae” Vahcuengh doeg gingdiemj doxdax gietsaiq youz Guengjsae Dendaiz Sinhvwnz Gvangj- bo（Sinhvwnz 910）、Guengjsae Saw- cuengh Hagdangz cawjbanh, Guengj- sae Sinhgvangjbo Conzmeiz Mizhanh Gunghswh ciepbanh haenx youq Guengjsae Sawcuengh Hagdangz (Guengjsae Minzcuz Cungdaengj Ciennieb Hagdangz) banh, gungh miz 20 doih senjsouj haeuj gietsaiq.

Doxdax youq “cien vunz doeg gingdiemj” ndawde hainduj, cien boux hagseng Guengjsae Minzcuz Cungdaengj Ciennieb Hagdangz caez yungh Vahcuengh doeg 《Gienqhag》, ciengzmienh hawj vunz saenqdoengh. Riengz dwk gak doih camgya doxdax youq gwnz daiz yungh Vahcuengh biucinj cingznaek doeg sei gingdiemj caeuq sei Sawcuengh cauhnduj, lijmiz hagseng Yeznanz、Laujvoh youq Cungguek louzhag haenx doeg gij bienmoeg gingdiemj guek bonjfaenh dem, youq seiz mbouj doxdax doeg gingdiemj, caphaeuj biujyienj diuq- foux Bouxcuengh《Ciendaih Loegvet Caeq Coj》 daengj gij vwnzyi cezmuz gig miz minzcuz daegsaek, cezmuz ndeiyawj, doeg caeuq biujyienj ndeiyawj ndaej daengz bouxyawj yienhciengz dopfwngz haenh.

Baez doxdax neix, muzdiz dwg senhconz gvancez gij cwngcwz saw vah minzcuz dangj caeuq guekgya, doigvangq gij vwnzva vah Boux- cuengh, hawj Sawcuengh gyoepyaem caeuq Vahcuengh yaembiucinj hawj engq lai vunz roxyiuj、sugrox, hawj engq lai vunz gvansim、haeujcoengh caeuq camgya hong doihengz yungh Sawcuengh.

(Liz Houhan Banh Lezyingh)