4 nyied 17 hauh, Vanzgyangh Mauznanzcuz Swciyen Swh’wnh Cunghsinhyau Yinzhoz Siujyoz gwnz cauhcangz gyonglaz gok sasa、angq fwngfwng, Swh’wnh Cin 6 aen Cuengh Gun song sawvah siujyoz 300 lai boux lauxsae hagseng caeuq seiqhenz mbanj 200 lai boux vunzlai angqcomz youq gizneix caez angqhoh “sam nyied sam” ngoenzciet conzdungj Bouxcuengh.

Dang ngoenz hozdung lai cungj lai yiengh, miz bau aendomq、haizgieg raez byaij vaiq、ndwn maxfaex、diuq fouxfaexsaux daengj minzcuz dijyuz doxdax hozdung caeuq hag guh gijgwn ndeigwn Bouxcuengh, guh diujfoux、habciengq、siujbinj、hoenxgienz daengj biujyienj, gyoengq vunzhung henzmbanj caemh biujyienj le foux saeceij caeuq minzsuz baijyienj daengj, vunzlai bek fwngz haenh mbouj dingz.

(Swh’wnh Cunghsinhyau)