Seizhah daenj buh mbang, Yenz Fangh cungfaen gamjsouh daengz gij dohraeuj caeuq sienqdiuz lingh aen ndang, got hwnjdaeuj sangj dangqmaz. Cij hojsik got ndaej mbouj doiq seizgan caeuq deihdiemj, uengjfeiq lo.

Yawjraen lwed boux vunz haenx gig vaiq dwk daj gwnz banj bohliz lae daengz gwnz deihbanj, Yenz Fangh naeuz Cuh Yijlanz nyi, mwngz sien hwnj laeuz bae. Youh cienq gyaeuj doiq Go’gvei naeuz, Go’gvei, fanz mwngz daj aen denva ndeu hawj baicuzsoj, gou daeuj bang boux vunz neix suek baksieng, yienghneix ok lwed roengzbae rox dai vunz ya.

Go’gvei naeuz, Yijlanz, gaej lau! Gou sikhaek daj denva hawj baicuzsoj. Yawj yienghceij Go’gvei, de gig ienq Cuh Yijlanz vih gijmaz mbouj dwg coemj haeuj ndaw rungj swhgeij.

Yenz Fangh baenaj byaij song yamq, Cuh Yijlanz lumj aendaehbaengz nei venj youq gwnz ndang Yenz Fangh, hix riengzlaeng byaij le song yamq. Yenz Fangh mbouj ndaej mbouj doihai Cuh Yijlanz.

Yenz Fangh yamq hwnjbae, dawz daengx aen ndang boux vunz haenx daiz hwnj gwnz gvihdaiz, daj ndaw dakyw ra ok Yinznanz Bwzyoz caeuq baengzsa cagbaengzsa. Yw dauj youq gwnz baksieng lumj dauj namh haeuj ndaw dah bae nei, raemxlwed baenz raq baenz raq dawz mbayw cung deuz, yungh le haujlai nanz Yenz Fangh cij cengqgengz suek ndei geij giz baksieng.

Vunz baicuzsoj gig vaiq couh ganj daengz, ram bouxsieng deuz, Go’gvei riengzlaeng bae loeg baknyinh lo.

Gwnz haw vunz yietliengz laebdaeb yietliengz, vunz dwkbej laebdaeb vit bej ndaej yiengj baba. Yenz Fangh raen naj dou diemqyw lwedrairai, couh dawz gaiq dohbaj cuengq youq gok ciengz daeuj cat lwed gwnz namh.

Cuh Yijlanz mbouj hwnj laeuz, naj haunyo ndwn youq gizhaenx mbouj doengh, gig nanz cij dauq hoenz, hwnjbae ciengj dohbaj ndaw fwngz Yenz Fangh, naeuz, gou daeuj guh, gienh saeh neix gou guh ndaej.

Yenz Fangh naeuz, ndaej lo, gizneix lwedrairai, caj yaep ndeu maez gvaqbae le gou mbouj rox dawz mwngz baenzlawz guh. Caen mbouj rox mwngz cungj vunz neix, baenzlawz gangj mwngz hix dwg veiyau bizyez, baenzlawz lienz baksieng cungj yawj mbouj ndaej ne?

Cuh Yijlanz han, mwngz gaej ndaej ndei lij gangj gvai, gou aeu mwngz boiz cienzyw haxbaenh, cibgeij bingz Yinznanz Bwzyoz ne!

Yenz Fangh yawj mbouj raen bak Cuh Yijlanz codaeuz ndiengq hwnjdaeuj, raemxda gaenq lae okdaeuj lo. De doq cat doq laebdaeb gangj vah sangj: Siengj aeu cienz? Cijmiz mwngz caiq got gou baez ndeu. Coenz vah neix baez gangj ok bak Yenz Fangh couh miz di ienqhoij lo, de mbouj caengz lumj yienghneix caeuq dahsau gangj gvaq vahcix, baez gangj sat de couh caiq hix mbouj gamj ngiengx gyaeuj lo, cijndei haenqrengz cat deihbanj.

Buenq ngoenz mbouj ndaej nyi sing Cuh Yijlanz, de mbouj ndaej mbouj ngiengx gyaeuj yawj, Cuh Yijlanz gingqyienz uet raemxda. Yenz Fangh deng haep lo, gveng le dohbaj, mbwtmbwj dwk naeuz, haxbaenh gou luenh gangj, mwngz yawj aen bak duh gou neix……

Cuh Yijlanz youh uet raemxda baez ndeu, yakriri dwk naeuz, baezlaeng gou caiq bae got mwngz, itdingh dwg seizhaeuh camx mid youq gwnz dungx mwngz.

Yenz Fangh dungx luenh liux, youq ndaw daehvaq mbon buenq ngoenz, mbon ok dab cienz sanq ndeu iet hawj Cuh Yijlanz, naeuz, di cienz neix mwngz sien dawz bae, caj yaep ndeu gou caiq hwnj laeuz bae aeu daeuj bouj hawj mwngz.

Cuh Yijlanz raen Yenz Fangh remjnaj, nyaenx mbouj ndaej daej bienq riu, doi cienz dauq ndaw fwngz Yenz Fangh, naeuz, mbwq mwngz lai, bouxlawz aeu cienz haeu mwngz.

Yaep ndeu lumj fwn doek youq gwnz mbawgyoij nei unjnemnem, yaep ndeu youh lumj langhhaij bongx haenz nei hujdengdeng, Yenz Fangh roxnyinh mboujlwnh baenzlawz yawj, Dahcuh cungj dwg gyaeundei raixcaix, dahsau neix baenzlawz gangjvah couh di ndeu cungj mbouj youqgaenj lo.

Gienh saeh neix gvaqbae liux, Cuh Yijlanz caeuq Yenz Fangh gangjvah couh mbouj daiq ityiengh lo, gaxgonq de doiq Yenz Fangh couh lumj doiq sojmiz bouxco nei guhhek, gienh saeh neix gvaqbae liux couh bienq ndaej yakriri lumj Yenz Fangh yiemq cienz de nei.

Yenz Fangh cungj dwg ngeixniemh, baez got neix.

Ngeih

Cunghhoz Lwngjgi ciep ndaej aen dan hung ndeu, miz danhvei baez ndeu cawx le seiqcib aen gunghdiuz. Aen danhvei neix youq laeuzsijsaw co dieg guhhong, gunghdiuz aeu daj caengz daih ngeih- cib seiq an daengz caengz daih ngeihcib bet, gunghswh couh anbaiz le roek vunz bae an.

Yenz Fangh caeuq Yauz Siujcenz ciengzseiz gapguh hong, miz seiz dwg Yenz Fangh youq gyang hwet cug cag’ancienz venj youq rog ciengz an aenrog, miz seiz dwg Yauz Siujcenz youq gyang hwet cug cag’ancienz venj youq rog ciengz an aenrog.

Haet neix raen Yenz Fangh gyang baiz heuj hau laeuh miz aen congh ndaem, Yauz Siujcenz saeknaj yiemzsuk, caem gig nanz cij naeuz, daihgo, geij ngoenz neix guhhong louzsim di, an aenrog couh hawj gou daeuj guh.

Yenz Fangh siengj yaep ndeu cij mingzbeg Yauz Siujcenz vih gijmaz yienghneix gangj. De riu naeuz, mbouj couh dwg deng laemx doek naed heuj ndeu ndwi ma, bae gizlawz aeu baenzneix lai gangjfap, aenrog vanzlij youz gou daeuj an. Yauz Siujcenz naeuz, mbouj ndaej, vanzlij youz gou daeuj an.

Yenz Fangh mbouj hawj, youq gyang hwet cug ndei cag’ancienz, menhmenh daj conghcueng ndonj okbae, din menhmenh caij youq gwnz daizbingz laj conghcueng. De codaeuz dawz fagfei youq gwnz ciengz fei congh, gyaeuj fagfei dududu fei haeuj ndaw ciengz, mbaq caeuq hangz de saenq- diengdieng, faenjcien hoengz riengzlaeng sinz okdaeuj.

Dinggang dub haeuj ndaw congh, ding gyaqdiet. Yauz Siujcenz diuq aenrog roengzdaeuj, Yenz Fangh ciep gvaqdaeuj cuengq youq gwnz gyaq. Yenz Fangh lumj vunzgihgi nei cungz dawz aen youh aen vaigih cuengq youq gwnz gyaqdiet.

Yauz Siujcenz naeuz, daihgo, yietnaiq yaep ndeu, an bae dingz ndeu lo.

Yenz Fangh caij youq gwnz daizbingz rog conghcueng caengz laeuz daih ngeihcib bet, ngiengxgyaeuj yawj mbwnheu, mbwn gig gyawj, caiq ngaemgyaeuj yawj roengz laj bae, vunzlai lumj duzmoed nei iq, aensingz lumj doxgaiq daebfaex nei, de roxnyinh gig geizmiuq. (6)

在衣裳单薄的夏天，袁方的身体充分感受到另一个身体的温度和线条，原来抱着的感觉这么爽。只可惜这一份温柔在一个错误的时间和一个错误的地点发生，枉费了。

看到那人的血迅速地从玻璃板上流到地板上，袁方说，你先上楼吧。又转头对大贵哥说，大贵哥，麻烦你给派出所打个电话，我来给这人包扎包扎，这么出血会死人的。

大贵哥说，雨兰，别怕！我马上给派出所打电话。看大贵哥的眼睛，只恨朱雨兰为什么没有扑进他的怀里。

袁方往前走了两步，朱雨兰像吊在他身上的一只布袋，也跟着移了两步。袁方不得不依依不舍地推开朱雨兰。

袁方快步上前，将那人整个身子抬上柜台，从药屉里找出云南白药和纱布绷带。白药倒在伤口上像倒泥填海，血水一股股把药粉冲开，费了不少工夫袁方才勉强把几处伤口包扎好。

派出所的人很快赶来，把伤者抬走，大贵哥跟着帮忙录口供去了。

街上该扇风的继续扇风，打牌的继续把牌甩得啪啪响。袁方看药店前一片血污，拿起放在店角的拖把，来回拖地上的血迹。

朱雨兰没有上楼，脸色苍白站在原地不动，好不容易回过神来，上前抢袁方手里的拖把，说，我来拖吧，这事我做得来。

袁方说，行了，血不啦唧的，等会儿晕了我可不知道拿你怎么办。真搞不懂，你好歹是卫校毕业的，怎么连伤口都看不了？

朱雨兰说，你别得了便宜还卖乖，我要你赔刚才的药钱，十几瓶云南白药呢！

袁方没看到朱雨兰的嘴巴开始往上翘，眼水流出来了。他一边拖地一边继续让嘴巴痛快：想要钱？除非你再来抱我一次。这话一说出来袁方就有点后悔了，他几乎没跟姑娘说过这么轻佻的话，说完头再也不敢抬了，使劲拖地。

半天没听到朱雨兰方向的动静，他不得不抬头，朱雨兰竟然在抹眼睛。袁方吓了一跳，扔了拖把，嗫嚅道，我是胡说的，你看我这嘴……

朱雨兰又抹了一把眼睛，恶狠狠地说，下次我再抱你，一定是给你肚子上扎刀子。

袁方一脸惶然，在裤兜里掏了半天，掏出一小沓零散票子递给朱雨兰，说，这些你先拿着，等会儿我再上楼去取。

朱雨兰看袁方的窘样，忍不住破涕而笑，把钱拍回袁方的手里，说，讨厌，谁要你的臭钱。

一会儿娇滴滴雨打芭蕉，一会儿气冲冲惊涛拍岸，袁方觉着无论咋看，朱姑娘都是美不胜收的，至于她说的根本不重要。

这事过后，朱雨兰对袁方说话的腔调就变了，以前她对他像对所有租客一样客客气气，这以后就变成恶狠狠欠二百吊钱似的了。

袁方总是怀念，这一抱。

二

中和冷气接了个大单子，一个单位一下买下四十台空调。这个单位租的是写字楼，空调要从二十四层安装到二十八层，公司同时派出六个人去安装。

袁方和姚小泉是老搭档，有时是袁方在腰上拴着安全带吊到室外装外机，有时是姚小泉腰上拴着安全带吊到室外装外机。

大清早看到袁方白牙间豁开一个黑洞，姚小泉脸色严肃，沉吟半晌，说，哥们，这几天做事留点神，装外机由我来干。

袁方想了一会儿才理会姚小泉为什么这么说。他笑着说，不就磕掉一颗牙嘛，哪有这么邪乎，外机还是我来装。姚小泉说，别了，还是我装。

袁方一脸不容争辩的表情，在腰上系好安全带，慢慢从窗户钻出去，脚轻轻落在窗户下面的平台上。他拿起钻孔机在墙上钻孔，钻头嘟嘟嘟挺进，他的肩膀和下巴不停地抖动，红色的砖粉随着钻头飞出来。

钢钉打进孔里，铁架子钉上。姚小泉把外机箱垂吊下来，袁方接过搁在架子上。袁方机械重复这一套程序和动作，一台接一台把机子搁到铁架子上。

姚小泉说，哥们，歇一会儿，装一半了。

袁方脚踏在二十八层的外窗台上，抬头看看很近的蓝天，再低头看看蚂蚁一样的人群，积木一般的城市，这种感觉很奇妙。 (6)