4 nyied 13 hauh, Hozciz Si bi 2018 ndwen senhconz minzcuz doxgiet cinbu “bak ciengz denyingj vah minzcuz roengz mbanj” hozdung, youq Vanzgyangh Mauznanzcuz Swciyen Swh’wnh Cin Cwnzsangh Cunh Mbanjlungzgyangh hainduj. Haemh haenx, youq aen cunh neix Lungzgyangh、Gauhlungz、Gwnjfaz、Dunghhingh、Sanghloz daengj 10 aen mbanj Mauznanzcuz、Myauzcuz、Yauzcuz daengj 200 lai boux minzcuz vunznoix ngonzyawj le benq bienhoiz denyingj vah Mauznanzcuz 《Yaengx Fwngz Hwnjdaeuj》.

Mbat hozdung neix dwg vih fungfouq beixnuengx minzcuz vunznoix vwnzva saedceij yaekaeu doengzseiz, sawj vah minzcuz vunznoix ndaej swnjcienz caeuq hwngfat. Ciuq cam rox, dangqnaj Hozciz Si gungh hoiz guh ndaej 2 benq denyingj vah Mauznanzcuz、2 benq vah Yauzcuz、1 benq vah Mulaujcuz、10 benq Vah- cuengh.

(Cwnz Gvanghgoh/陈光科)