Mboengqneix, bouh daihngeih denyingj hoizguhbenq Vahmauznanz 《Yaengx Fwngz Hwnjdaeuj》 youq Vanzgyangh Mauznanzcuz Swciyen Yananz Cunghyoz banh aen yizsi ingj baez daeuz. Haemhhaenx, daengx- cungq lauxsae hagseng Yananz Cunghyoz comz youq cauhcangz aen hagdangz neix, gig mizyinx yawj bouh denyingj hoizguh Vahmauznanz neix. Yawj gij gojgaeq ndeiyawj denyingj, dingq gij vah minzcuz bonjfaenh sugrox, gyoengq hagseng Mauznanzcuz roxnyinh caenciet.

Vanzgyangh dwg aen Mauz- nanzcuz swciyen daengx guek dandog, vunz Mauznanzcuz haemq noix. Riengz dwk Sawgun cienzmienh cienzdoh, vah minzcuz Mauznanzcuz ngaiz cungdongj gig hung, seizneix haujlai bouxcoz Mauznanzcuz gaenq mbouj rox gangj vah minzcuz, swnjcienz vah minzcuz bungz daengz seizgan hojnanz. Denyingj hoizguhbenq Vahmauznanz cienzmienh cuengqingj, doiq baujhoh caeuq swnjcienz vah Mauznanzcuz caeuq vwnzva Mauznanzcuz miz gij cozyung gaenxmaenx.

Ciuq cam rox, hong hoizguh bouh benq neix dwg youz Swcigih Denyingj Gunghswh caeuq Vanzgyangh Minz- cunghgiz、Minzyijgiz doengzcaez guhsat. Hong hoizguh yingjben daj bi- gvaq ndwen 3 hainduj, ginggvaq roengzrengz 6 ndwen lai, dauqdaej guhsat hong hoiz boiq denyingj caemhcaiq ndaej cuengqingj baez daeuz.

(Veiz Yui)