3 nyied 31 hauh, Lungswng Gak Cuz Swciyen Lozgyangh Yangh Baujcwngh Dungcai banh “ciet caeqsah” bi guh mbat haenx, dangdieg vunzlai haiguh boqvenz diuq fouxcaijdangz、fuk “sah” youzgvaengx、ciengq golaux Dungcuz、diuq foux “dohyeh” daengj Dungcuz cienzdoengj hozdung, aeu fuengsik Dungcuz gag miz ma cienzciengq goengdaek cojcoeng, biujdap gyoengqvunz doxgiet doxhuz、hwnjguh ndei mbanjranz gij simmuengh gyaeundei haenx.

“Ciet caeqsah” cienzmienh langhyienj le buhvaq、gofoux、gijgwn、laex fungsug Dungcuz daengj daegsaek vwnzva, aen ciet neix dwg dangdieg cawz ndwencieng le aen ciet ceiq hung ndeu. 2014 nienz “ciet caeqsah” ndaej lied haeuj Gvangjsih feihvuzciz vwnzva yizcanj mingzloeg.

(Vuz Swnghbinh/吴生斌)