Diemqyw itbuen hai daengz gyanghwnz cib- ngeih diemj. Gyangngoenz Cuh Yijlanz cingj song dahsau daeuj laehlawh guhhong, gyanghaemh hek mbouj lai, de couh gag souj. Ndaw diemq miz aen densigih ndeu、aen yingjdezgih ndeu, Cuh Yijlanz gyaez yawj yingjdez, gyaez yawj gij goj iucing bat gvaiq, gij doxgaiq iucing ya gvaiq ya cungj ndaej haep de saeknaj bienq, heuh mbwn mbiengq, gyanghaemh gangjmoengx mbouj dingz, gyang- ngoenz gvaengzda ndaemndat, hoeng de vanzlij nyaenx mbouj ndaej yaek yawj, lumj gwn iennamh dawzyinx nei. Cuh Yijlanz seiz mbouj seiz hojlienz swhgeij, ndwenngoenz gaenq gvaq ndaej baenzneix dwgrengz, vih gijmaz lij gag haep swhgeij, gag caeuq swhgeij gvaq mbouj bae ne?

Cuh Yijlanz mbouj gamj gag yawj, ciengzseiz heuh Yenz Fangh daeuj buenx. Yenz Fangh mbouj daiq gyaez yawj gij doxgaiq luenhlablab neix, de gyaez yawj dijyuz cietmoeg.

Yenz Fangh mbouj rox Cuh Yijlanz vih gijmaz mbouj heuh Go’gvei daeuj buenx de, baez siengj daengz de buenx Cuh Yijlanz seiz, Go’gvei aiq cingq naengh youq naj densigih angqvauvau dwk yawj dijyuz cietmoeg, Yenz Fangh ndawsim couh mbouj bingzbag, caenhguenj de nyienh buenx Cuh Yijlanz yawj yingjdez, hoeng de mbouj nyienh buenx dahyoux vunzwnq yawj.

Yenz Fangh gwed danci bin hwnj laelaeuz laep gaeb, hwnj daengz caengz daihsam, yungh suj miz song caengz baujyenj daeuj daep danci youq gwnz lanzganh rog yangzdaiz. De gaenq deng caeg gvaq seiq gyaq danci lo, ndigah, de nyienh dwgrengz di, moix ngoenz gwed hwnj gwed roengz, hix mbouj nyienh ci deng caeg.

Bangxhenz geij fungh rug mbouj caengz hai daeng, ngoenzneix dwg ngoenz yietnaiq, gyoengq daeggyauh goengrengz lai neix cungj youq baihrog guh’angq, mbouj daengz gyanghwnz mbouj dauqma.

Yenz Fangh hai dou rug, raq heiq cumx gven youq ndaw rug ngoenz ndeu, caeuq raq heiq hom mbouj rox daj gizlawz daeuj ndeu, doxgyaux dwk cung okdaeuj hawj de nyouq. Yenz Fangh youq laj ndaeng vadvad fwngz, de siengj mbouj hwnj ndaw rug gijmaz doxgaiq miz cungj heiq neix, lumj heiq sijfazcingh nei.

Aengang hoengz henj gok ciengz ndaw rug yiengjgyumgyum, aen gyaeuj samgak ndeu daj ndaw gang iet okdaeuj.

Yenz Fangh naeuz, Giujgiuj, gou dauqma lo.

Giujgiuj dwg duz gviheu Yenz Fangh daj hangzhaw gai gova duzroeg duzbya cawx daeuj, ciengx ndaej sam bi lo.

Bwn heu raez gwnz ndang Giujgiuj, nyumx ndaej gang raemx heuyauyau. Yenz Fangh iet fwngz diemj le diemj gyaeuj Giujgiuj, sawqmwh fatyienh gwnz raemx miz caengz nyaq iq hau ndeu, yawj gvaqbae lumj nyaq manzdouz. Yenz Fangh ngiengx gyaeuj yawjyawj dienvabanj, mbouj doek faenx ya, gwnz ciengz hix mbouj duet naeng, gij nyaq hau neix dauqdaej daj gizlawz daeuj ne? Cijmiz dwg Giujgiuj ok okdaeuj roxnaeuz biq okdaeuj lo. Yenz Fangh daj ndaw gang lauz Giujgiuj okdaeuj cuengq youq gwnz daiz, buen gang ok rog rug bae vuenh raemx.

Dieg yaemliengz gok ciengz ndaw rug ciengx miz bingz lwgsae iq ndeu, dwg Yenz Fangh ngoenz yietnaiq cienmonz caij danci bae ndaw naz gyae lauz daeuj. Vuenh ndei raemx, Yenz Fangh genj geij aen lwgsae dub soiq cuengq haeuj ndaw gang. Giujgiuj aen bak iq soem diemj le diemj noh lwgsae, menhmenh gwn hwnjdaeuj, yawj hwnjbae mbouj miz gijmaz bingh. Yenz Fangh cuengqsim lo, duet haiz baij youq henz dou, caiq vuenh ndei haizdaz, cuengq genjhom、sujbaq、vaqdinj haeuj ndaw doengj, riuj doengj bae diegcaemxndang youq gyaeuj roqbyaij swiqcaemx.

Yenz Fangh bi daengz haemh cungj yungh raemxgyoet daeuj swiqcaemx. Raemx daj gwnz gyaeuj vaiq cung roengzdaeuj seiz, sangj dangqmaz, Yenz Fangh nyaenx mbouj ndaej ciengqgo hwnjdaeuj. De iet gyaeuj daengz gyang raemx, singgo ndaw bak deng raemx lae dangj hwnjdaeuj lo, cij dingqnyi vuvu yiengj.

Gwnz dou lumj miz duzroeg dot, Yenz Fangh gven suijlungzdouz daengj rwz dingq le dingq, cam, bouxlawz?

Baihrog han, gou. Dwg sing Cuh Yijlanz.

Yenz Fangh han sing ndeu, youh cam, miz maz saeh?

Cuh Yijlanz han, mwngz sien swiqcaemx, gou caj mwngz.

Dingq Cuh Yijlanz yienghneix gangj, Yenz Fangh mbouj yungh sijfazcingh daeuj swiq gyaeuj lo, hix mbouj yungh genjhom daeuj swiq ndang lo, lwgfwngz gaeu gyaeuj geij baez, sujbaq youq baihlaeng baedauq nu geij baez couh suenq swiq ndei lo. Gvaq geij faencung, Yenz Fangh gyaeuj mbaeqswdswd daenj geu vadinj hung ndeu, lohgengz byaij ok diegswiqcaemx.

Cuh Yijlanz maeuq youq dangqnaj meizloz Yenz Fangh gaq youq roqbyaij, hai fa reksah gwnz loz daeuj yawj, ndaw rek hoengqndwi, gijmaz cungj mbouj miz, de naeuz, Yenz Fangh, mwngz gig nanz mbouj aeuq ga mou gyaux duhhenj lo.

Yenz Fangh byaij gvaqbae naeuz, singgeiz ngeih mbouj dwg ngamq aeuq gvaq? Mwngz dahsau neix gaenq gwn gou song gaen gamou lo, lij mbouj suenq duhhenj, gwn sat baenzlawz lij mbouj nyinh?

Yenz Fangh youq naj dou gaq aen meizloz ndeu, moix ngoenz haetromh yaek ok dou seiz, cungj sien youq ndaw reksah cuengq geij gaiq ndok roxnaeuz gamou laeblaz, banhaemh dauqma couh ndaej rek dangnoh noengz hom ndeu lo. Cuh Yijlanz miz saeh roxnaeuz mbouj miz saeh cungj gyaez hwnj laeuz daeuj yawj aenreksah Yenz Fangh, raen miz doxgaiq ndeigwn, coengzlaiz mbouj guhhek, lumj rek ranz swhgeij nei cigsoh daek daeuj gwn. Cuh Yijlanz ceiq gyaez gwn gamou aeuq duhhenj, Yenz Fangh youq ndawde gya miz naeng lwggam caeuq batgak, daegbied hom. Gangj caen, Yenz Fangh senq gwn mbwq gamou aeuq duhhenj, de dwg vih Cuh Yijlanz aeuq, de mbouj roxyiuj dahsau neix baenzlawz couh gwn mbouj mbwq, dahsau baenzneix gyaeundei couh mbouj wnggai baenzneix gyaez gwn gamou aeuq duhhenj, youz lai lo.

Cuh Yijlanz nyeng gyaeuj yawj Yenz Fangh, naeuz, Yenz Fangh, ngoenzneix simcingz mwngz mbouj ndei.

Yenz Fangh naeuz, mbouj miz ya.

Cuh Yijlanz naeuz, itdingh dwg, haxbaenh youq laj laeuz gou baez raen bwnda mwngz couh roxyiuj lo.

Dwg lwi? Yenz Fangh lumhlumh bwnda, cam, haxbaenh bwnda gou dwg yienghlawz?

(3)

药店一般开到晚上十二点。白天朱雨兰雇了两个姑娘轮班，晚上顾客不多，她自己守着。店里有一台电视机、一台影碟机，朱雨兰爱看碟，喜欢看鬼片，鬼鬼怪怪的东西把她吓得小脸发白，大呼小叫，夜里梦话连篇，白天眼圈乌黑，她还是忍不住要看，像上了鸦片瘾似的。朱雨兰时不时也自哀自怜，生活已经这么不容易，我为什么还要自己吓自己，自己跟自己过不去？

朱雨兰不敢一个人看鬼片，经常拉上袁方做伴。袁方不太喜欢看这些乱七八糟的片子，他喜欢看体育节目。

袁方不知道朱雨兰为什么不让大贵哥陪她看，一想到他陪朱雨兰的时候，大贵哥很有可能就坐在电视机前美滋滋兴高采烈地看体育节目，袁方就不平衡，尽管他乐意陪朱雨兰看碟，但他不乐意陪别人的女朋友看碟。

袁方扛着自行车爬上黑窄的楼梯，上到三楼，用双保险锁将车子锁到阳台的栏杆上。他已经丢过四辆自行车了，所以，他宁肯辛苦点，每天扛上扛下，也不愿意让贼钻了空子。

隔壁几间房没有灯光，大周末的，这些血气方刚的单身汉都在外面寻欢作乐，不过半夜不回来。

袁方打开房门，关在房里一天的潮气伴着一股莫名其妙的香气急不可待地冲出来跟他亲热。袁方挥手在鼻孔下扇了扇，他想不起屋子里什么东西会有这气味，隐约像洗发水的气味。

屋角的酱色瓷缸发出窸窸窣窣的声音，一只三角形的脑袋从缸边探出来。

袁方说，久久，我回来了。

久久是袁方在花鸟市场买的一只绿毛龟，养了三年了。

久久身上长长的绿毛把一缸水染得绿茸茸的。袁方伸手点了点久久的小脑袋，突然发现水面上有一层白色的细屑，看上去像是馒头的细屑。袁方抬头看了看天花板，上面没有掉粉，墙上也没有脱皮，这白屑是从哪里来的？除非是久久拉出来或吐出来的。袁方把久久从缸里捞出来搁到桌上，抬起瓷缸到屋外换水。

屋角阴凉处养有一瓶小田螺，是袁方周末专门骑车到老远的田间捞的。换好干净的水，袁方挑了几只小螺砸碎撂进缸里。久久小小尖尖的嘴点一点，慢吞吞地吃，看起来没有什么异样。袁方放心了，换上搁在门边的拖鞋，拎起提桶，把香皂毛巾大裤衩放进桶里，走到走廊尽头的公用洗澡间洗澡。

袁方一年四季都用冷水洗澡。洒头的水冲得欢快，凉得刺激，他情不自禁唱起歌。他把头伸到水流中央，嘴里的歌声变成了呜呜的哼声。

门板上好像有小鸟啄的声音，袁方关上水龙头竖起耳朵听了听，说，谁？

外面回答，我。是朱雨兰的声音。

袁方哦了一声，说，有事吗？

朱雨兰说，你洗吧，我等你。

听朱雨兰这么说，袁方加快速度，头上不打洗发精了，身上也没打香皂，手指头在头上挠几下，毛巾来回在背上拉几下。几分钟后，袁方一头水珠，赤膊穿着大短裤走出洗澡房。

朱雨兰蹲在袁方架在走廊的蜂窝煤炉跟前，一只手揭开炉上砂锅的盖子，锅里空空的什么也没有，她说，袁方，你好久没炖黄豆猪脚了。

袁方走过来说，星期二不是刚炖吗？你一个人吃了我两斤猪脚，还不包括黄豆，吃了怎么不认账？

袁方在门前架了一只蜂窝煤炉，每天早上出门之前，在砂锅里放上几块骨头，或者猪脚牛腩什么的，晚上回来就是一锅浓浓香香的肉和汤了。朱雨兰有事没事上楼来检查袁方的砂锅，看到有好吃的，从来不客气，像从自家灶上拿的一样，盛了便吃。朱雨兰最爱吃的是黄豆炖猪脚，袁方在里面加了橘子皮和八角，香气独特。说实在的，袁方自己早吃腻了黄豆炖猪脚，他是为朱雨兰炖的，他不知道她怎么就吃不腻，这么一个长相秀丽斯文的姑娘不应该如此偏爱油水丰厚的黄豆炖猪脚。

朱雨兰偏头看着袁方说，袁方，你今天心情不好。

袁方说，没有啊。

朱雨兰说，一定是，刚才在下面我一看你的眉毛就知道了。

是吗？袁方摸了一把眉毛，说，刚才我的眉毛是什么样的？ (3)