Mboengqneix, Dwzbauj Yen youq minzcuz vwnzva gvangjcangz laebdaeb banh “Heiqcuengh baih- namz” senhconz cwngcwz vwnzyi yienjok hozdung, ndaej daengz gyoengq vunzlai angqcoux caeuq haenh.

Ciuq cam rox, riengzdwk hong vut gungz gunggeng haeujlaeg doicaenh, Dwzbauj Yenveij、Yen Cwngfuj cimdoiq vunzlai dangdieg gyaezmaij “Heiqcuengh baihnamz” vwnzyi yienjok daegdiemj, cujciz buek canghheiq ndawbiengz maenh- ndei he giethab gij saedsaeh hong vut gungz gunggeng seizneix, cauh baenzdauq senhconz vut gungz gunggeng leih beksingq cwngcwz、senhcin denjhingz saehlaeh daengj cozbinj Heiqcuengh maenhndei youq yienhsingz caeuq gak yanghcin guh cunzdauq yienjok.

Doenggvaq “Heiqcuengh baih- namz” vwnzyi yienjok senhconz, hawj hong vut gungz gunggeng caeuq leih beksingq cwngcwz haeujlaeg simvunz, hawj vunzlai lai rox, caenh’itbouh gikfat gyoengq ranzgungzhoj gag buekguh doxhwnj、cawjdoengh vut gungz, guhbaenz gij heiqfaenh daengx beksingq roengzrengz buekguh buet siujgangh, senhconz yaugoj yienhda.

(Nungz Yungjfang)