Geij bi neix daeuj, Sanhgyangh Dungcuz Swciyen hwngfat cazyouz canjyez, roengzrengz vutgungz gunggeng, saedyienh lajmbanj hwngfat, guh gaijndei cazyouz binjcungj ndei. Bineix vih guh ndaej vaiq di, guh le “hengzdoengh rumz cin” ndaem cazyouz. Gak aen yanghcin cunhmbanj ciuq saedsaeh cingzgvang, guh aen duihfugsaeh guhhong dajndaem cazyouz, doihaeuj hong cazyouz binjcungj gaijndei yiengq haeujlaeg hwngfat, guhsat nienzdoh muzbyauh yinvu gaijndei binjcungj cazyouz. Daengz dangqnaj, daengx yienh guhsat cazyouz binjcungj gaijndei bwh geng menciz dabdaengz 28280 moux, ndoeng cazyouz youhciz gauhyau menciz 3557.2 moux.

（Vuz Lencinh/吴练勋）