It

Yenz Fangh caij danci youq ndaw diegdingzci cienq bae cienq dauq, cienq gien daih’it seiz, de raen gyaq ci Bwnhciz mong dahcej caeuq gyaq ci Baujmaj hau cejfou bingzbaiz dingz youq gizhaenx, dingz ndaej gig gyawj, lumj gamjcingz song gvanbaz nei ndei dangqmaz. Cienq gien daihngeih seiz, de youh yawjraen gyaq ci Bwnjdenz ndaem daeggo dingz youq gizhaenx.

Laj aen liengjdaengngoenz hung henz dieg- dingzci, miz boux vunz daenj buhcifuz ndeu yiengq Yenz Fangh vad fwngz, lij heuh naeuz: Vei — vei — heuh mwngz ne!

Yenz Fangh caij ci baenaj, raen bakaek buhcifuz boux vunz haenx sij miz “Cauzhaij Dingzci” seiq cih saw, sim siengj, dwg vunz guenj dingz ci ya. Vunz daenj buhcifuz hix yawjraen gwnz buhguhhong lamzoiq Yenz Fangh sij miz “Cunghhoz Lwngjgi” seiq cih saw, sim siengj, dwg vunz an gunghdiuz.

Vunz daenj buhcifuz viyiemz dwk cam, mwngz ra gijmaz?

Yenz Fangh han, ra dieg dingz ci. Yenz Fangh mbouj gag yawjsiuj mbouj ndaengndiengq, fajfwngz hung bongx le bongx aen anci danci, lumjnaeuz de yaek dingz gyaq ciiq. Danci ngamq cawx ndaej, gaiq i suliu suek youq gwnz ndang ci lij mbouj caengz sik okbae dem.

Vunz daenj buhcifuz naeuz, neix dwg diegdingzci Cauzhaij, bouxhek youq ndaw Cauzhaij gwnhaeux cij ndaej youq gizneix dingz ci.

Yenz Fangh naeuz, gou daeuj gwnhaeux.

Cauzhaij Bauci Louz dwg diemqlaeuj gai gijgwn ndaw haij, byaek ndei youh bengz. Aenvih diegyouq miz di fwz, bouxhek daeuj gizneix gwnhaeux dingzlai dwg gag hai ci, lij miz di dwg naengh cico, vunz caij danci cix dwg siuj raen. Vunz daenj buhcifuz lij suenq gingqnieb, mbouj yawj siuj vunz, naeuz Yenz Fangh nyi, mwngz gyaq danci neix dingz youq gizlawz cungj mbouj hab, mbouj gangj mbouj siujsim bungq doiq ci vunzwnq, danghnaeuz bungq gvat doiq ci vunzwnq couh engq nyaujnyungq lo, mwngz vanzlij dawz danci dingz youq gou gizneix, gou bang mwngz yawj.

Yenz Fangh naeuz, haenx docih mwngz lo, daihgo.

Yenz Fangh dawz danci dingz youq laj liengjdaengngoenz, youh docih vunz daenj buhcifuz baez ndeu, cij cienq ndang yiengq douhung Cauzhaij Bauci Louz byaij bae. Vunz daenj buhcifuz itcig dasoengq Yenz Fangh byaij gyae.

Bakdou ndwn miz song dahsau ciep hek, danraen song dahsau daenj vunjgizbauz hoengz, vunz sangreux, gig gyae couh simhoengz dwk dongx naeuz, bouxhek, mwngz dingh miz diegnaengh caengz?

Dahsau ciep hek lingx Yenz Fangh daengz bakdou baufuengz. Yenz Fangh roqroq dou, doi dou haeujbae, sikhaek nyouq daengz raq heiqbyaek heiqlaeuj homfwdfwd raeujrubrub ndeu. Gwnz daiz baij miz baeunaengjseuq henjlimlim、byaseng sanhvwnzyiz hoengz henj、sahcungz gvaq raemxgoenj hauseksek, Yenz Fangh gulu ndwnj gaemz myaiz hung. Daxboh Yenz Yin、daxmeh Cangh Ciuhyez、dahcej Yenz Yenz、cejfou Yauz Gyanghhungz、doiq vaihseng lwgsongseng、daeggo Yenz Cangz caeuq beixnangz Linz Coz, ranz vunz ndeu cingq gwn ndaej angqvauvau, bouxboux aennaj youzyebyeb angjmyanmyan.

Daj Yenz Yenz ndaej dang Nanzfangh Gozci Daciujden cungjginghlij, Yenz Cangz ndaej dang daihhag ginghci yozyen yencangj, vunz ndaw ranz doxcomz gwnhaeux couh ciemhciemh lai hwnjdaeuj. Yenz Yenz caeuq Yenz Cangz doxlwnz daeuj cingj daihgya, gek saek ndwen daengx ranz vunz couh caez youq laeujdiemq baihrog gwnhaeux, it daeuj hauqswnh bohmeh, ngeih daeuj ranz vunz ndeu hix ndaej caez gyaulouz.

Raen Yenz Fangh haeujdaeuj, Yenz Yenz naeuz, baenzlawz yienghneix menh?

Yenz Fangh han, laemzseiz deng gyaban.

Doiq vaihseng lwgsongseng caez dongx, nax ndei. Song daeglwg neix daj iq couh deng Yenz Yenz son’gyauq ndaej gig ndei, yienznaeuz cij miz haj bi, hoeng gangjvah guhsaeh cungj lauxlienh, gaenq mbouj nyienh caeuq lwgnyez doengh aen nienzgeij caez guhcaemz lo.

Yinzminz yihyen fuyencangj Cangh Ciuhyez bongxbongx aendaengq bangxhenz, naeuz, lwg, naengh gizneix daeuj.

Youq baihnaj vunz ndaw ranz mbouj yungh guhhek, Yenz Fangh naengh daengz bangxhenz daxmeh, dawz dawh couh nip duz baeu hung ndeu, sik byak okbae, yub noh haeuj meiqhoengz bae baez ndeu couh cuengq haeuj bak.

Ciengq cauj saejbya youh hom youh byoiq, byalaehaij hangq youh biz youh cid. Daengx aen banringzgvaq bang sam ranz an le haj aen gunghdiuz, Yenz Fangh caen iek lo, dawh mbouj dingz nip byaek daeuj gwn. Gwn yaep ndeu, Yenz Fangh roxnyinh mbouj deng, daengx aen daiz miz aen sing bababa ndeu yied yiengj yied hung, gizsaed, gij sing bababa neix mbouj dwg yied yiengj yied hung, cix dwg sojmiz vunz cungj mbouj gangjvah, hix mbouj doengh dawh, gij sing neix cij yienh ndaej gig cingcuj, lumj ndaw haij laeg duzsahyiz laeuh gyaeuj okdaeuj, lumj ndaw baenzbenq saekheu miz diemj hoengz ndeu. Yenz Fangh baez fatyienh gij sing bababa dwg daj ndaw bak swhgeij fat okdaeuj, couh gipmuengz gaemz baj song gaemz hung couh dawz gijgwn ndaw vanj lij lw gwn haeuj bak bae, haep bak maenh, ndaw bak lumj miz duznon youq ndawde luenh doengh, hoeng baenzlawz doengh Yenz Fangh cungj mbouj ajbak.

Gungdengiz gizcangj gonq Yenz Yin raen Yenz Fangh gwn ndaej ca mbouj lai lo, naeuz, Yenz Fangh, cej mwngz naeuz mboengqneix miz aen diemq gai dengi ndeu cingq ra boux cawjguenj, mwngz guh ndaej.

Yenz Fangh duznon ndaw bak bonjlaiz lij doengh bae doengh dauq, daxboh coenz vah neix baez gangj ok bak couh dwk dai duz de lo.

Yenz Yenz naeuz, daegsam, gou cingq siengj caeuq mwngz gangj gienh saeh neix ne, cungjginghlij aen diemq gai dengi neix dwg baengzyoux gou, de siengj ra boux vunzswhgeij ndeu daeuj guh cawjguenj. Gou caeuq de gangj daengz mwngz, de hix dapwngq lo. Gou cam gvaq lo, baeznaengz cujyau dwg bae doiq soq huq haeujok, mbouj nanz guh.

Yenz Fangh bak bongzbubbub yiengq song vaihseng naengh doiqnaj guh aen saeknaj vadgei ndeu.（1）

一

袁方骑着自行车在停车场上转，转第一圈的时候，他发现姐姐银灰色的奔驰和姐夫白色的宝马恩爱地挨着停在一块儿。转第二圈时，他又看到哥哥的黑本田。

停车场边上一把大太阳伞下，一个穿制服的朝袁方招手，嘴里喊，喂——喂——叫你呢！

袁方骑近前，看到那人制服的胸口处写着“潮海泊车”四个字，心里想，管泊车的。穿制服的也看到袁方浅蓝色的工作服上写着“中和冷气”四个字，心里想，装空调的。

穿制服的威严地说，你找什么？

袁方说，找地方停车。袁方不卑不亢，宽阔的手掌在自行车车座上拍了拍，仿佛他要停的也是一辆小轿车。自行车是新买的，裹在车身上的塑料膜还没有除去。

穿制服的说，这是潮海停车场，只有在潮海吃饭的客人才可以在这儿停车。

袁方说，我是来吃饭的。

潮海鲍翅楼是本市最有名的海鲜酒楼，菜式名贵，价格超高。因为地理位置较偏，来这里吃饭的客人大都自己开车来，不济的也打个的士，骑自行车的少见。穿制服的算敬业，不狗眼看人低，对袁方说，你这自行车停哪儿都不合适，不小心给车子撞上不说，蹭坏别人的车子更糟，你把它停我这儿，我帮看着。

袁方说，那谢谢了，谢谢了大哥。

袁方把自行车停到太阳伞底下，又说了一声谢谢，转身向潮海鲍翅楼的大门走去。穿制服的一直目送袁方。

酒楼门口站着两位身材高挑、穿大红旗袍的咨客，老远热情洋溢地打招呼，先生有位吗？

咨客把袁方领到包厢跟前。袁方敲了敲门，推门进去，温暖的酒菜香气迎面扑来。桌上有黄灿灿的清蒸蟹、红澄澄的生三文鱼片、白生生的白灼沙虫，袁方骨碌碌吞下一大口唾沫。父亲袁韫、母亲章秋月、姐姐袁圆、姐夫饶江红、一对孪生外甥、哥哥袁长和嫂子林卓，一大家子人吃在兴头上，一张张脸油光光红扑扑。

自从袁圆荣升南方国际大酒店总经理，袁长当上大学经济学院院长，这样的家庭聚餐渐渐多起来。袁圆和袁长轮流买单，全家人隔一两个星期在外面的酒楼饭店聚上一聚，算是孝敬父母，一家人联络感情。

见袁方进来，袁圆说，怎么这么晚？

袁方说，临时加了班。

两个孪生外甥异口同声，小舅好。这俩孩子从小给袁圆调教得很好，虽然只有五岁，但行事做派老练，已经不屑和同龄的孩子玩了。

人民医院副院长章秋月拍拍身边的座位，说，儿子，来坐这儿。自家人跟前用不着客气，袁方坐到母亲身边，拾起筷子夹向一只大螃蟹，把蟹壳掀开，将肥厚的膏黄蘸上红醋放进嘴里。

酱爆鱼肠又香又脆，烤鳗鱼又肥又糯。一个下午给三家客户安装五台空调，袁方实在是饿了，筷子马不停蹄地在嘴和盘子中间游走。吃了一会儿，袁方发现有点不对劲，整个桌子上一个叭叭叭的声音越来越大，其实，叭叭声不是越来越大，是所有的人都不讲话，也不动筷子了，这声音脱颖而出，像鲨鱼深海浮头，像万绿丛中一点红。当发现这个叭叭声来自他的两瓣嘴唇，袁方赶快把碗里剩下的东西三刨两刨塞进嘴里，然后把嘴巴紧紧闭上，腮帮子像有虫子在里面拱动，怎么拱他也不张嘴。

供电局前局长袁韫看袁方吃得差不多了，说，袁方，你姐说最近一家电器行需要一个主管，你可以做得来。

袁方腮帮子里的虫子本来还在动，父亲一句话把它们拍死了。

袁圆说，老三，我正要和你说这事呢，这家电器行的总经理是我朋友，他想找个自己人做主管。我跟他提起你，他一口答应了。我打听了，日常主要负责核对进出货的数目，不难做。

袁方鼓着腮帮子冲坐对面的两个外甥做了一个鬼脸。

(1)