Banh Mingz dwg boux lauxsae suyoz he, ban de miz boux hagseng he siengj cam de baenzlawz bae hag suyoz, aenvih moix baez gauj suyoz de cungj mbouj ndaej gizgwz. Ngoenzneix, Banh Mingz heuh hagseng neix daengz bangunghsiz de.

Boux hagseng neix daeuj daengz bangunghsiz le, Banh Mingz dawz ok bit caeuq ceij, heuh boux hagseng neix sij cih, maij sij aen lawz youz de. Boux hagseng neix miz di geizgvaiq: Gou daeuj cam baenzlawz hag suyoz, lauxsae baenzlawz heuh gou sij cih?

Boux hagseng neix seizbienh sij aen cih he hawj Banh Mingz yawj. De hix mbouj rox Banh Mingz yaek guh maz. Banh Mingz yawj sat naeuz:“Mwngz yawj, aen cih neix mwngz sij ndaej vaiq, cih rengz mbaeu caemhcaiq mbouj gyaeundei, mwngz caiq sij aen cih neix baez he. Boux hagseng neix dingq le couh nyinhcaen sij lo.

Banh Mingz caiq yawj, naeuz:“Mwngz baezneix sij beij aen hainduj ndei lai lo, cijaeu haeujsim sij ndei moix bit ndeu, cih couh lengj. Gizsaed, hag maz cungj ndei, couh lumj sij cih, baez bit baez bit yunghsim bae sij, couh baenz lo.”

Boux hagseng neix gyo’mbaiq Banh Mingz, dauqbae couh daj hainduj gag yawj saw suyoz, gizlawz mbouj rox saedcaih naemj mbouj doeng couh cam Banh Mingz, daj maenh goekdaej le, gij cingzcik de menh hwnj lo.