3 nyied 8 hauh, Liujcouh Si Sanhgyangh Dungcuz Swciyen gawjbanh mehmbwk dajcawj doxdax dinfwngz “dwkcazyouz”, 240 boux mehmbwk doengzdaiz doxdax, yienhciengz baijyienj Dungcuz “dwkcazyouz” vwnzva gijgwn daegsaek, aeu cungj fuengsik neix ma angqhoh ciet mehmbwk guhhong gozci “sam bet”.

“Dwkcazyouz Dungcuz” Sanhgyangh dwg gij laex ceiq sang daihhek Dungcuz ndawde cungj ndeu, gaenq youq bi 2014 lied haeuj mingzloeg Gvangjsih Bouxcuengh Swcigih feihvuzciz vwnzva yizcanj.

(Vuz Lencinh/吴练勋)