Bouxlongj miz gij vwnzva caeq daegbied, ndawde “hai sengx” gig mizyinx, riuz miz cien bi lo.

“Sengx” dwg gij faexgyaengh gven cukseng, gij faexgyaengh vang daeuj gven heuhguh lanz, daengj couh heuhguh sengx, Bouxlongj aeu sengx daeuj gven dou lai. Aenvih guh caeq neix aeu hai sengx, ndigah couh heuhguh “hai sengx”.

Miz caezgya “hai sengx” caeuq ranz dog “hai sengx” song cungj. Caezgya “hai sengx” moix bi ndwencieng coit daengz cibhaj youq miuhcwx guh, ranz dog “hai sengx” moix bi bi rieng song sam ngoenz youq ndaw ranz gag guh. Aenvih bi he gvaq, gyoengqvunz roxnyinh lainoix daiq miz gij oemjsoemq haeuj ranz hwnj ndang, vih swiq gij oemjsoemq neix, gyoengqvunz couh aeu “hai sengx” lo.

“Hai sengx” seiz aeu boux- dauh cingj daegsien oiq gwnz- mbwn baihdoeng、 baihsae、baih- namz caeuq baihbaek roengz- daeuj, caiq soen gij raemx sien, baenzneix muengh ndaej swiq oemjsoemq cawz uq, hawj vunz seuqcingh, ndang mbaeu haeuj bi moq.