286. Aenmak doek namh, mbouj rox bae gyae.

287. Ndangdaej ndei ndoj, ngumhngaeuz nanz yo.

288. Mbouj miz gumz maz dienz mbouj rim, mbouj miz dou maz haeuj mbouj

ndaej.

289. Gungz muenz mbouj ndaej, couj cw mbouj ndaej.

290. Dah mbouj cienq raemx cienq, bya mbouj van roen van.

291. Cim mij song gyaeuj soem, oij mij song gyaeuj diemz.

292. Ganj em guh mbouj ndaej liengz hung.

293. Vunz namh guh lau fwn soen, vah gangj gyaj lau vunz buek.

294. Canj nywj mbouj cawz rag, seizcin nywj youh did.

295. Cek giuz yungzheih gaq giuz nanz.

296. Ranzhaz feiz dawz, nangq daengz ranznden.

297. Gaeu unq cug ndaej rin geng.

298. Bwn gaeq sawq mbouj ndaej feiz.

299. Faex sang beij mbouj ndaej bya sang, bya sang beij mbouj ndaej mbwn

sang.

300. Ruk dog san mbouj baenz swx, vax dog gaiq mbouj baenz ranz.

301. Haeuxbeb fouz gwnz, huq ndei caem daej.

302. Goengfou mbouj gyaj, bajheiq mbouj caen.

303. Namh boengz daz mbouj ndaej ciengz, faex nduk guh mbouj ndaej liengz.

304. Gang roh aenvih miz diuz leg, ruz roh aenvih mbongq aen congh.

305. Ga dog nanz byaij loh, dawh dog nanz nip nok.

306. Gyu bengz ruz cang gyu daengz, haeux bengz ruz daeh haeux daeuj.

307. Yawj vunz ciengx lwg mbouj rox haemz, yawj vunz dawzrap mbouj

dwgrengz.

308. Gaemh ngwz nanz cuengqfwngz, gwih guk nanz roengzdaeuj.

309. Byoq feiz mbouj dem fwnz, feiz daj gizlawz daeuj.

310. Diet caep nanz diz, faex hung nanz gawq.

311. Cax raeh raemj ndaej goenq byaz geng.

（caengz sat）