2 nyied 27 hauh daengz 28 hauh, Lungzswng Gak Cuz Swciyen banh daih 38 gaiq lajmbanj yezyiz vwnzyi comzyienj, 10 aen doih daiqbiuj vwnzyi yezyiz lajmbanj yanghcin daj daengx yienh daeuj haenx, gungh miz 30 aen gak cungj loihhingz cezmuz doxlwnz dwk hwnj daiz yienj heiq, ciengqgo、diuqfoux、siujbinj、ciengqheiq daengj, langhyienj le vunz Lungzswng gij cingsaenz funghmau enj aek doxhwnj haenx.

Cezmuz camgya comzyienj haenx nemgaenj sevei cujyi gyacizgvanh、gung geng vutgungz、cingqheiq rumz cingh、gyaez nyez gingq laux、swnjcienz “feihyiz” daengj neiyungz, daj gokdoh mbouj doengz haenx langhyienj le seizdaih moq sevei ginghci hwngfat caeuq fungsug fungcingz Lungzswng, hawj vunzlai soengq bae le donq ngaiz hoenghhwd vwnzva ndei yawj he.

（Banh Cisiengz/潘志祥）