●Ndwen 2 ngoenz 28, Ningzmingz Yen cujciz cwng- fazveij、senhconzbu、gungh- anhgiz daengj 30 lai aen danhvei, youq yienhsingz haiguh aen hozdung senhconz fugsaeh hwnj- guh bingzanh, yiengq gyoengq vunzlai haiguh baet ndaem cawz yak cienhangh doxhoenx、gimq doeg yiemzdwk cingjceih cien- hangh hengzdoengh、hong fanj dwglau caeuq henhoh ndaw- biengz onjdingh daengj senhconz gyauyuz hozdung, muzdiz dwg caenh’itbouh hawj vunzlai ndaej lai rox caeuq lai camgya gak hangh hong hwnjguh bingzanh, ndaej hawj vunzlai lai ancienz caeuq lai habhoz.

(Couh Yizgangh)

●Mboengqneix, Denzyangz Yen Suijgojban haiguh gohgi roengz mbanj hozdung, vih vunzlai gungzhoj gak yanghcin hwngfat dajndaem dajciengx cienz ging soengq bauj. Doeng- gvaq banh dangzgoq lijlun、soengq swhliu caeuq yienj saedguh daengj fuengsik, bang ranzgungzhoj hag gij dinfwngz dajndaem dajciengx miz yungh engq lai, daezsang gij bonjsaeh gag vut gungz.

(Maj Nizya Vangz Siuli)

●Ndwen 2 ngoenz 28, Sihlinz Yen banh aen vanjvei nangq bangfuz nduknaeuh caeuq cozfungh vwndiz cien- hangh cingjceih caeuq senhconz vwnzyi. Vanjvei yienhciengz, gij fwen gagcauh、siujbinj、diuqfoux minzcuz daengj cezmuz yungh fanj nduknaeuh hemqheuh lenzcwng guh cawjdaez haenx doxlwnz hwnj daiz yienjok, caemhcaiq cap haeuj mizgven cihsiz ciengjdap nangq bangfuz nduknaeuh vwndiz dem.

(Vangz Yenginz)

●Geij bi neix daeuj, Yungzsuij Myauzcuz Swciyen cungfaen vatcimh caeuq leih- yungh gij swhyenz ngoenzciet conzdungj minzcuz hwngfat lijyouz, yinx ndaej haujlai bouxhek ndaw guek rog guek daeuj yawjngonz gingjsaek. Ciuq cam rox, bineix seiz ndwencieng daengx yienh ciepdaih bouxhek ndaw guek rog guek 35.09 fanh vunzbaez, doengzbeij gyalai 17.83%; lijyouz cungjsouhaeuj 1.67 ik maenz, doengzbeij gyalai 10.77%.

(Veiz Dingjbyauh)