255. Meh ciengx gouj dahlwg, lienz meh cib aen sim.

256. Vunz gip simvueng, ma gip diuq ciengz.

257. Gaeq hung mbouj yiemz haeux soiq, laeuz sang mbouj yiemz sa saeq.

258. Vunz hung muengh ndaemnaz, lwgnyez muengh gvaqcieng.

259. Byanouq biengj mbouj ndaej langh hung.

260. Lwg lai meh hoj.

261. Seiziq yawj dingqgangj, majhung yawj dungxcaiz.

262. Bien iq fad ndaej vaiz hung dai.

263. Naj bya miz gofaex, cungj miz roeg ma comz.

264. Raemx unq dingj ndaej ruz, gyu hamz iep ndaej noh.

265. Fwnmoenq didi buh cumx, rumznamz ci nanz sim liengz.

266. Simvueng banh mbouj baenz saeh, simgip ep mbouj ndaej bya.

267. Vaiz hung dik ndaej noh, laeuz gvangq baet ndaej haeux.

268. Maxlaeuz caiq coengmingz, cix mbouj rox gej cag.

269. Seng gouj boux lwgrwix, mboujyawx ciengx boux ndei he.

270. Cij miz vaiz ap faex, baeq miz faex ap vaiz; cij miz gaeu geuj faex, baeq

miz faex geuj gaeu.

271. Beixnuengx aeu caezsim, bouh soq aeu suenq cing.

272. Beixnuengx lumj din fwngz, dangh raek nanz ndaej swnj.

273. Set soh ep mbouj ndaej bya, rek roh cawj mbouj ndaej haeux.

274. Lwg bonjfaenh naek hix nyienh aemq.

275. Aeu ndaej mehsauj gaenx, dahgo hix hwnq caeux.

276. Duzgvi gaej riu fw, ndaw raemx caemh doengz youq.

277. Vamiuz mboujguenj haeux nanz lai, lwgnyez mboujguenj nanz baenz vunz.

278. Goenglaux miz cienz, mboujyawx lwg miz caiz.

279. Daemz gvangq mij bya uengj caeng raemx, bya hung mij fwnz uengj gag

sang.

280. Duzmax caiq byom hix beij ma hung.

281. Oij caiq diemz beij mbouj ndaej dangz, vunz caiq ndei beij mbouj ndaej

meh.

282. Gaenx bienq gik ndaej vi, gik bienq gaenx hojnanz.

283. Vunz lai dwg caengh, gaen liengx faen cing.

284. Byaij lai baenz roen, rom lai bienq fouq.

285. Ceh ndei ok miuz ndei, gaeu noengq dawz gve hung.

（caengz sat）