Seizcin ngamq hainduj, gak yiengh cungj bienq moq, youq Lingzyinz Yen ndaw lueg Yauzcai sing go sing riu angq dwk goksasa, gyoengqvunz daenj buhvaq moqsag nauhnauh yiedyied dwk angq gvaq ndwencieng.

Gaijgwz haihangh gvaqdaeuj, lajmbanj gak dieg bienqvaq lai, Lingzyinz ndaw lueg Yauzcai caemh mbouj laehvaih, gyoengqvunz saedceij cungj gvaq ndaej vuenyungz gyaeundei, bineix ndwencieng co’ngeih、 cosam, Lingzyinz Yen Yihungz Yauzcuz Yangh Giujgyangh Cunh、Lozfung Cunh, gyoengq mehmbwk lwgsau Lanzdenyauz ndang daenj buh moq vaq moq, comz youq itheij san saibuh、nyibbuh、eufwen、bau aendomq、boq loxlez daengj, yungh gak cungj fuengsik mbouj doengz haenx daeuj angq gvaq ndwencieng, ndaw Yauzcai nauhyied raixcaix, doxhuz youh angqyangz.

(Siuh Fazlingz/肖发凌)