226. Cib duz bya youq ndaw dah, mboujyawx duz he youq fwngz.

227. Cax raeh raemj ndaej faexyienh.

228. Cax raeh aeu vunz daeuj muz cax, va hoengz aeu vunz daeuj ganq va.

229. Raemx hawq cij raen daej, daemz hawq cij raen bya.

230. Ndaw fwngz mij haeuxgok, yuq gaeq gaeq mbouj daeuj.

231. Mij rumz mbouj hwnj langh, mij feiz mbouj hwnj hoenz.

232. Mbouj gwn vuengzlienz haemz, baeq rox dangzrwi diemz.

233. Mbouj gwn vuengzlienz, mbouj rox yw haemz; mbouj ciengx lwgnding, mbouj rox meh hoj.

234. Miz bya couh miz loh, miz dah couh miz ruz.

235. Ngwz hung congh hung.

236. Baez daeuz catsaij, baez ngeih hag gvai.

237. Rin mbouj miz limq muz cax raeh.

238. Gouz fangz mboujyawx gouz yw, gouz vunz mboujyawx gouz geij.

239. Mboq daj ndaw raemx ok, loh dwg vunz byaij baenz.

240. Byaij roen fanhcien leix, couh yawj yamq daih’it.

241. Byaij roen fandingqdaeuj, mbouj ndaej gvaiq ngauq rin.

242. Saeh dwg vunz guh, vah youz vunz gangj.

243. Vah gangj cien mbat, mboujyawx roengzfwngz guh mbat he.

244. Ngonz va yungzheih ndaem va nanz.

245. Ciengz byaij gij roen bya, mbouj lau roen bya lingq.

246. Boux ndeu guh yak, bak boux souhnanh.

247. Heng mbouj lau caxraeh ronq.

248. Boux gai gva gangj gva diemz, boux gai va haenh va rang.

249. Sim vunz nanz dingh, raemxhaij nanz rau.

250. Dozcaengh yienz saeq, ndaej dingx cien gaen.

251. Raemx hwnj ruz sang, fwnz lai feiz hoengh.

252. Miz bya couh miz fwnz dwk.

253. Ndaw bya heih ra faex cien bi, gwnzbiengz nanz roeb vunz bak bi.

254. Cij miz ruz ap hamq, mbouj miz hamq ap ruz.

（caengz sat）