Bi 2017 doxdaeuj, Liujcouh Si bouhmonz guhhong minzcuz vah minzcuz, it fuengmienh nyinhcaen senhconz gvancez doeksaed gij gvidingh Swcigih Yinzminz Cwngfuj mizgven yungh Cuengh Gun song cungj saw raiz gepbaiz、goengcieng danhvei, hawj haujlai danhvei youq vuenh caeuq guh gepbaiz goengcieng moq seiz gagrox yungh Cuengh Gun song cungj saw; lingh fuengmienh roengzrengz daezsang gij suijbingz fugsaeh fanhoiz vah saw minzcuz, yiemzgek ciuq gij gveihfan fanhoiz Sawcuengh, ginggvaq fanhoiz、haed- doiq、cosaemj, gij hong hoj fanhoiz lij bauqsoengq Swcigih Minzyijveij Fanhyizcu saemjhaed, guh daengz gibseiz cinjdeng vih gak mizgven danhvei daezhawj fugsaeh fanhoiz Sawcuengh, aeundaej cingzcik yienh- da. Bi 2017 ndwen 1 daengz ndwen 12 daej, vih Liujgyangh Yen gaij gih gvendaengz danhvei fanhoiz coh Sawcuengh 330 gep baiz caeuq 230 aen goengcieng. Daengx bi lij vih daengx si danhvei wnq fanhoiz gepbaiz、goengcieng Sawcuengh 120 gep(aen), vih gvendaengz danhvei yungh Cuengh Gun song cungj saw raiz diuz senhconz byauhyij caeuq hoihciengz diuz hoihbiu fanhoiz baenz Sawcuengh 318 diuz(fuk). Doenghgij baizbenj、goengcieng caeuq senhconz byauhyij neix yungh Cuengh Gun song cungj saw raiz, yienh’ok le gvancez doeksaed minzcuz cwngcwz, doed ok gij daegsaek minzcuz cawjdaej Guengjsae, swnjcienz fatyiengz le gij vwnzva vah minzcuz.

(Liz Yinzciz/李云驰)