●Ndwen 2 ngoenz 8 banhaemh, Lungzswng Gak Cuz Swciyen banh aen vanjvei lienzvuen ndwencieng bi 2018, vanjvei cezmuz nei- yungz caenciet hawj vunz gamjdoengh, gig miz Lungz- swng deihfueng daegsaek, yienh’ok gij funghcaij gak minzcuz Myauz Yauz Dung Cuengh Gun. 《Seizdaih Moq Lungz Mbin》《Ak Le! Guek Raeuz》《Lajmbanj Angq- yangz》 daengj cezmuz ndei yawj doxlwnz hwnjdaiz, ndaej daengz bouxyawj haenh.

(Vuz Yij)

●Geij bi neix daeuj, Gunghcwngz Yauzcuz Swci- yen baengh gijndei diuz gauhdez Gveicouh Guengjsae, haenqrengz hwngfat lajmbanj lijyouz, coicaenh bouxguhnaz dangdieg laisou. Bi 2017 aen yienh neix gyoebsuenq ciep- daih bouxhek 265.3 fanh vunzbaez, doengzbeij gyalai 50%, saedyienh lijyouz siuh- fei 29 ik maenz, doengzbeij gyalai 48%.

(Liengz Veih)

●Geij bi neix daeuj, Lozcwngz Mulaujcuz Swciyen gaemdawz gij seizheiq “gosangh baihdoeng senj baihsae”, aeu canjnieb nonsei liedbaenz gij canjnieb daegsaek youqgaenj bang bouxguhnaz vut gungz baenz miz, gyalai bangfuz hwngfat, hawj de baenz canjnieb youqgaenj Lozcwngz ndawde cungj he. Bi 2017, aen yienh neix 11 aen yanghcin hwngfat ndaem gosangh mienhcik daengz 6.65 fanh moux, ndaej reh nonsei 21.53 fanh rap, bouxguhnaz mbanjbya Mulauj ndaem gosangh ciengx nonsei souhaeuj mauhgvaq 4.5 ik maenz.

(Mungz Cwnghswh)