201. Gaeq iek boenq mbouj deuz, vunz iek mbouj rox nyaenq.

202. Gaemh gaeq aeu haeux yaeuh, saej maet aeu myaiz nyomx.

203. Gaeq ranz mboujguenj guenj gaeq ndoi.

204. Fangz ndaej gwn sim unq, vunz ndaej gwn sim diemz.

205. Gaej yawj moed iq mij miz yungh, hwnzngoenz daeh namh vat baenz congh.

206. Daiz haeux ngaeh, nengznyaen biz.

207. Roeglaej yienznaeuz iq, daep mbei cungj caezcienz.

208. Roeglaej caij mbouj ndaej vax vaih.

209. Meuz rox giz ranz, ma rox bouxcawj.

210. Meuz mbouj youq, nou guh haw; vunz mij buh, gik okdou.

211. Ngwzdoeg mbei dek sim lij diuq.

212. Meuz daej nou dwg gyaj, ma ngah ndok dahraix.

213. Gaiqled cug ndaej maenh, nyaenma ndonj mbouj haeuj.

214. Din buet mbouj gvaq fwn, bak ak mbouj gvaq leix.

215. Cawj cuk aeu dwk haeux, doxnaeuz aeu gangj leix.

216. Gim caen mbouj lau feiz, bya rin mbouj lau rwed.

217. Samcib roek diuz leix, caetcib ngeih cungj vunz.

218. Fag seiz he hai aen suj he.

219. Gvak he vat mbouj baenz mieng, cim he nyib mbouj baenz dox.

220. Rek he nanz ngauz geij cungj laeuj, faex he nanz hai geij yiengh va.

221. Yamq he nanz hwnj mbwn, fwngz he nanz cw mbwn.

222. Bya sang miz vunz daengz, dah laeg miz bya youz.

223. Ngwz miz roen ngwz, goep miz loh goep.

224. So he vat mbouj ok mboq, gaemz he gwn mbouj imq dungx.

225. Bwnda hwnj gonq dinj, mumh hwnj laeng dauq raez.

（caengz sat）