Vih hoengzyiengz cingsaenz Hoengzcibcih “yinzdau、gyaezndeq、gunghawj”, bangcoh vunzlai gungzhoj angqyangz gvaqcieng. 1 nyied 16 hauh, Swcigih Hoihhoengzcibcih aen hozdung “Hoengzcibcih gyaezndeq soengq fanh gya” byaij haeuj Bahmaj, youq aen yienh neix Sojloz Yangh Lung’yangz Cunh gien le buek “siengraeujrub” dij 3 fanh maenz ngaenz ndeu, 99 hoh hohgungzhoj gendangj laebgaj haenx ndaej yiengjsouh.

Ciuq cam rox, mbat neix gien gij “siengraeujrub” neix moix sieng ndawde doxgaiq dij ngaenz 343 maenz, ndawde coux miz buhmienz、denzmienz、haeuxsan、mienhdiuz、youzgwn、dangzbingj daengj saedceij ngoenznaengz yungh gwn.

(Veiz Mingzsungh/韦明崧)