151. Bouxboux naj bieg, byawz dwg bouxcaeg.

152. Dungx gwn dungx rox, hoz ndwnj hoz geiq.

153. Cib boux gai gauyieg, gouj boux gangj vah gyaj.

154. Canghdoz caeuq canghrih, cungj vih suenq gwn vunz.

155. Ndwen gungq sam baez saenz, gya gungz cungj vih fangz.

156. Heq gaej saenq mingh, bingh gaej saenq fangz.

157. Hwnq caeux doiq mbouj hwnj bouxgvan, hwnq gvaiz doiq mbouj hwnj daxbuz.

158. Cibngeih nyied gai liengzfaenj, loeg nyied daeuj gai loengzfeiz.

159. Boux hozsiengh ndeu rap raemx gwn, song boux hozsiengh ram raemx gwn,

sam boux hozsiengh ok nyouh gwn.

160. Yamq ndeu nanz hwnj mbwn, fwngz ndeu nanz goemq mbwn.

161. Cax raeh mbouj lau naeng vaiz nyangq, feiz hoengh mbouj lau goenq faex ndip.

162. Cax raeh baengh gang ndei, max biz baengh nywj hwnz.

163. Cax mbouj muz hwnj myaex, raemx mbouj lae bienq haeu.

164. Miz dangz moed couh daeuj, miz haeux nou doq daengz.

165. Miz ndok yaeuh ndaej ma, miz ndwen ep ndaej bya.

166. Haeux yied dak yied hawq, vunz yied laux yied cing.

167. Cax raeh coih mbouj ndaej rauq.

168. Baengz ndei rox bienq vaj, dahsau rox bienq buz.

169. Meuz ndei mbouj luenh swenj, luenh swenj mbouj meuz ndei.

170. Guek fouq sim vunz cingq, guen cengh minz gag an.

171. Manaez duzduz gwn gaeq, saenaz aen’aen gwn naez.

172. Raemxdah yienznaeuz unq, ram ndaej hwnj aen ruz.

173. Cin haemh dangj mbouj ndaej va hwnj nye, raemx lae dangj mbouj ndaej

bya ok dah.

174. Mou dog senj mok, lwg dog bak diu.

175. Youz rang moed gyaez, noh haeu nengznyaen comz.

176. Ruz roengz dan, nanz baenq gyaeuj.

177. Faex laemx roeg mbin, vunz dai cingz duenh.

178. Gofaex hung faen nga, beixnuengx lai faen’gya.

179. Faex laux nga lai, vunz laux bingh lai.

180. Faex hung rag raez, vunz laux raen gyae.

181. Ngwz raen yungzvuengz ndang gag unq, nou raen duzmeuz ndok rox byot.

182. Hanq mbouj gwn bya, ma mbouj gwn biek.

183. Vunz daiq soh mbouj cing, raemx daiq saw fouz bya.

184. Lajmbwn loh cien diuz, miz soh hix miz van.

185. Fwngz mbouj gaemh goep, mbouj lau byaj bag.

186. Faex cingq mbouj lau rumz bongj.

187. Gim caen mbouj lau feiz, caenleix mbouj lau buek.

188. Fouj raeh ndaej raemj faex, leix soh ndaej fug vunz.

189. Saeh ndei vunzlai haenh, saeh vaih vunzlai fok.

190. Naez gyaux naez bienq bwnh, vunz goq vunz yiemz naet.

191. Dangh raemx laeg ienq ga dinj, bakcax maeuz ienq heng geng.

192. Nyienh seng lwg baihgya, mbouj nyienh ciengx lwg ngawz.

193. Mbouj gwn bya, bak mbouj sing; mbouj guh caeg, sim mbouj vueng.

194. Duzgoep gwn duzgvej, byaraiz gwn lwg iq.

195. Bya roengz vaengz laeg, yiengz hwnj bya sang.

196. Gonh bya mbouj lau ndang dumz.

197. Guk cimh guk heih roeb, nyaen ra nyaen heih raen.

198. Ndaw naez boengz ciengj bya, mbouj lau daengx ndang uq.

199. Goep duz geq cij ndei.

200. Ndaw bak ma vaq ndok, ndaw bak meuz rumh bya.

（caengz sat）