Geij ngoenz neix daeuj, Bahmaj Mingzdwz Goeng- ik Swzsienh Hoihlienzhab haiguh “danhswh ganhlinz giva”, vih Bahmaj Yauzcuz Swciyen 10 aen siujyoz soengq bae 30 aen sezbei daihraemxcingh, miz 3500 lai boux hagseng ndaej gwn raemx ancienz.

Ciuq cam rox, aen hanghmoeg “danhswh ganhlinz giva” neix eiqsei de dwg baujcang gwn raemx ancienz、caemhyiengj saedceij ndangcangq. Aen hanghmoeg neix ndaej daengz Gvangjdungh Swngj Danhswh Swzsienh Gihginhvei、 Gvangjsih Simrang Goeng’ik Segungh Fuzvu Cungsim caenhrengz haeujcoengh. Bahmaj Mingzdwz Goeng’ik Swzsienh Hoihlienzhab bouxgagnyienh ginggvaq haeujlaeg byaijcam, faenbied dawz sezbei daihraemxcingh soengq daengz aen yienh neix 10 aen cunhgaep hagdangz siujyoz, lij yienhciengz ancang caeuq hawj boux vunzfucwz aen hagdangz ndaej bangcoh haenx gangjgej sezbei baenzlawz ancang、sawjyungh fuengfap caeuq haeujsim saehhangh.

(Veiz Mingzsungh/韦明崧)