“Gyoengq beixnuengx, caezgya ndei, seizneix dwg seiz gangj gij cingsaenz Cibgouj Daih dangj. Gij baugau Cibgouj Daih dangj daezok, baujmaenh gij gvanhaeh bauguh reihnaz onjdingh caemhcaiq ciengz- geiz mbouj bienq, lwnz daihngeih bauguh reihnaz daengz geiz le caiq gyalai samcib bi……” Mboengqneix, Denzlinz Yen gak hingzcwngcunh doenggvaq “gvangjbo iq” gyoebcomz gangj gij baugau Cibgouj Daih dangj, ndaej daengz gyoengq vunzmbanj angqcoux.

Vih caenh’itbouh doicaenh gij cingsaenz Cibgouj Daih haeuj laj- mbanj, aen yienh neix gibseiz haidoengh aen gunghcwngz gangj- lwnh “gvangjbo iq” lajmbanj, hawj “gvangjbo iq” baenz “cwngzyenz moq” gangjlwnh gij cingsaenz Cibgouj Daih. Youq 14 aen yanghcin 166 aen hingzcwngcunh aen yienh neix, ngoenznaengz cungj youz 166 boux cunh dangjcihsuh roxnaeuz cunhveijvei cujyin, faenbied yungh Vahcuengh、Vahyauz daengj vah- deihfueng dinghgeiz gangjlwnh caeuq gejdoeg gij cingsaenz Cibgouj Daih. Gak cunh leihyungh “gvangjbo iq” cunhveijvei genhciz youq dingh seiz guh boqcuengq, yungh vah doengsug gangjlwnh. Doenggvaq cungj hingzsik neix, dwkdoeng le gangjlwnh “goengleix gatsat”, damqra ok diuz vunqsik gangjlwnh haeuj gyawj vunzlai、cienzmienh cwgoemq、 ndaej angqcoux he.

(Yenj Cinbyauh)