Ndwen 1 ngoenz 12, Aenhoih Baez Daihsam Cungzcoj Si Gaiq Daihseiq Yinzminz Daibyauj Daih- hoih biujgiet doenggvaq 《Diuzlaeh Baujhoh Gij Gingj Vwnzva Veh- bangxdat Byaraiz Dahcojgyangh Cungzcoj Si（Caujan）》. Neix dwg Cungzcoj Si ndaej gij gienz deih- fueng laebfap le biujgiet doenggvaq bouh daih’it saeddaejsingq deih- fueng fapgvi.

Gij gingj vwnzva vehbangxdat Byaraiz Dahcojgyangh youq ndaw gyaiq Cungzcoj Si, bi 2016 ndwen 7 ngoenz 15 bauq ndaej baenz seiq- gyaiq yizcanj. 《Diuzlaeh》 mingz- dingh le gij muzdiz baujhoh gij gingj vwnzva vehbangxdat Byaraiz Dahcojgyangh caeuq gij gvaengx- laengx habyungh, gvidingh le gij cizcwz baujhoh guenjleix gihgou, laebdingh le aeu baujhoh bangxdat、bya、dah、faex nywj gizdieg veh- bangxdat haenx, caemhcaiq guh’ok ciengzsaeq gvidingh guenjleix caeuq leihyungh gij gingj vwnzva veh- bangxdat Byairaiz Dahcojgyangh haenx.

《Diuzlaeh》 lij mingzdingh gij gvaengxlaengx caeuq fukdoh fad gij hingzveiz famh baujhoh gvidingh haenx. Lumjbaenz, diuz daih samcib caet gvidingh: Boux- guhhong guekgya youq guh hong baujhoh caeuq guenjleix gij gingj vwnzva vehbangxdat Byairaiz Dah- cojgyangh seiz luenh yungh gienz- leih、mbouj nyinhcaen guh hong、vih seileih seicingz loengh gyaj, youz aen bouhmonz cawjguenj baihgwnz de roxnaeuz gamcaz gihgvanh ciuqfap hawj hingzcwng cawqfaen; cauxbaenz famhcoih, ciuqfap gyaepcaz gij cwzyin hingz- saeh.

Ciuq cam rox, diuz 《Diuzlaeh》 neix bauq Guengjsae Bouxcuengh Swcigih Yinzda Cangzveijvei baecinj le couh ndaej fatbouh hengzguh.

(Moz Diz Nungz Yizdungh)