51. Ma luenh raeuq dwg ma huk.

52. Ndaw rin naeuh vunz yawj mbouj raen.

53. Vaizlwg mbouj rox naj duzguk.

54. Daeng byoq feiz mbouj raeuj.

55. Nohgangq heiq rang gyae.

56. Sing dig mbouj haeuj rwz vaiz.

57. Fangz iq raen mbouj ndaej lab hung.

58. Vaiz byom gaeu mbouj iq.

59. Fwngz iq dawz mbouj ndaej gyaeq hanq.

60. Faex mbouj ceg raemx mbouj haeuj ndaw.

61. Raemxdah heih rim, sim vunz nanz cuk.

62. Guh ndaej soeng, aendungx gyoeng.

63. Gaemz he nanz gwn song aen ceiz.

64. Gaeqdon dwg gaeqlwg maj baenz.

65. Okroet vunz soeng, gauqcangq vunz gungz.

66. Rieng vaiz fad vaiz mbouj in.

67. Roegcehbyaek dingj mbouj ndaej mbwn.

68. Ndaw daemz mij bya duzgungq bengz.

69. Ndaw bya mij guk, maxlaeuz guh vuengz.

70. Mbei hung baengh cienzcaiz, vifung baengh buhhaiz.

71. Vunz noix ndei gvaqciet, vunz lai ndei ndaemnaz.

72. Faex sang fanh ciengh, mbaw loenq laj doenj.

73. Vunz laux lau loegcib, vaiz laux lau gingcig.

74. Fangz lau vunzyak.

75. Vunz soh deng vunz hangz, max soh deng vunz gwih.

76. Vunz gungz ceiq dinj, max byom bwn raez.

77. Ranz fangz haih ranz vunz.

78. Cim fouz song gyaeuj raeh.

79. Ciengz laemx vunzlai nyoengx, gyong vaih vunz luenh mboengj.

80. Muz cax mbouj nguh hong raemj fwnz.

81. Din cingq mbouj lau haiz mbeuj, vunz cingq mbouj lau ngaeuz mbieng.

82. Faex soh deng raemj, vunz soh deng caem.

83. Yiengh haeux ndeu ciengx bak yiengh vunz.

84. Gaen vunz ndei baenz vunz, gaen gimq rox diuq saenz.

85. Gyonglaz caeg ma roq mbouj ndaej.

86. Mou dai mbouj lau log.

87. Ma dai mbouj lau raemxgoenj rwed.

88. Diet caep nanz diz, cuk geq nanz ut.

89. Faex hung ciu rumz.

90. Haeux lau hanzloh rumz, vunz lau laux cij gungz.

91. Guk doeg mbouj gwn lwg.

92. Funghvuengz deng miq bwn mbouj beij gaeq.

93. Duznou caiq hung hix lau meuz.

94. Bak vunz vaiq gvaq rumz.

95. Ceiq saw dwg raemxmboq, lauxsaed dwg lwgnyez.

96. Bakcim mbouj beij bakvunz raeh.

97. Vunz miz loekca, max miz laeuh ve.

98. Fwnz dog nanz caux, lwg dog nanz son.

99. Roen mbouj duenh vunz, bya nanz dangj rumz.

100. Lwg dingq boh baenz vunz, noz dingq cawj vutmingh.

（caengz sat）