1. Bya lau vuenh daemz, vunz lau vuenh vuengz.

2. Duzbya dwkdaemz duet cungj dwg bya loet.

3. Bwn gumh hozlaemz yawj mbouj raen.

4. Bi cibbet mij sau couj.

5. Feiz ndaep souj daeuh caep, haemz daeuj gangj seiz gaeuq.

6. Nyienh deng guk haeb mbouj nyienh nou gaet.

7. Simvuen rap bak gaen hix mbaeu, simyou yiuj cib gaen yiemz naek.

8. Miz gyaeuj couh miz byoem.

9. Ma byom saetnaj bouxcawj.

10. Yawj vunz youq seiziq, yawj max coh gij daez.

11. Ma mbouj raeuq haeb vunz.

12. Mbwn vuengz miz fwn, vunz guengz miz hux.

13. Faexnduk did raetmoegngaex.

14. Naz ndei aeu gaiq gaeuq, lwg ndei aeu boux dog.

15. Yiemhvax ndik raemx diemj doiq diemj.

16. Miz lwg gungz mbouj nanz.

17. Sam bi mbouj ndaem faiq, caet bi liengz; bi he mbouj ndaem haeux, song bi iek.

18. Byonghhwnz guh caeg, mbwn rongh vunz rox.

19. Cib boux doj, bak boux hoj.

20. Guenj lwg gyaez lwg, yungz lwg haih lwg.

21. Bak boux dojcienz, cien boux catsaij.

22. Bouxgik mbouj miz daenj, bouxgaenx gwn mbouj liux.

23. Dinfwngz dwg raemxmboq, bohmeh dwg raemxrongz.

24. Byaek rangz genfwngz co, haeux noh gyaeujhoq doed.

25. Seiz rangz mbouj gungj, baenz cuk nanz manj.

26. Iek mbouj gwn haeuxceh, ngah mbouj gaj gaeqmeh.

27. Baez fouq gwn lumj guk, baez gungz henx faexnduk.

28. Meuz bae caemz, nou sim’angq.

29. Gofaex ndaej miz geij caengz naeng?

30. Najbyak baenz baez muenz mbouj ndaej.

31. Ceij suek mbouj ndaej feiz.

32. Lwg bonjfaenh yied moeb yied gaen, lwg bouxwnq yied yuq yied deuz.

33. Saej humz gaeu mbouj ndaej.

34. Cax raeh mbouj ndaej gag laeu gaenz.

35. Rieng vaiz cungj goemq caekhaex vaiz.

36. Cauq lai fwnz lai, rek lai haeux lai.

37. Ngaiz cug dingj ndaej moeb.

38. Ma dai maet hix dai.

39. Vaiz raen raemx couh faengz.

40. Vaiz cing daengz gingsingz lij dwg vaiz.

41. Vunz lai moeb ma mbouj dai.

42. Cib lwgfwngz miz raez miz dinj.

43. Angjfwngz laengfwngz cungj dwg noh.

44. Faex laemx gaeu cij heux.

45. Fajfwngz dog dop mbouj yiengj.

46. Canghdaeqgyaeuj daeq mbouj ndaej gyaeuj bonjfaenh.

47. Seng ndaej ndang lwg, seng mbouj ndaej sim lwg.

48. Sam nyied mbouj doek ceh, loeg nyied baeq miz sou.

49. Bakcae mbouj raeh biencae raeh.

50. Mbouj miz diuz cenx lawz mbouj coeg vunz.

（caengz sat）