●Ndwen 1 ngoenz 4, Liujcouh Si banh aen hozdung guh ndei loqsiengj hawsingz gvansim lwgnyez louz mbanj, cingj 25 boux lwgnyez louz mbanj youq runghbya Sanh- gyangh Dungcuz Swciyen caeuq Yungzanh Yen daeuj haenx haeuj hagdangz hawsingz、cawjdaez loz- yenz、gohbuj gihdi daengj dieg haiguh daejniemh hozdung, hawj gyoengqde youq mwh angqyangz ndaej daengz hagsib.

(Liz Hanzsiz)

●Mboengqneix, aen giyez simndei daengz Nanzdanh Yen Cunghbauj Myauzcuz Yangh Lahnaz Cunh Lahnaz Siujyoz, haiguh simndei giensoengq hoz- dung, dawz 260 dauq buhvaq hagdangz soengq bae hawj gyoengq lwgnyez, soengq laex caeuq hohfuk bae hawj lwgnyez mbanj bya.

(Denz Siyenj Dwng Bingz)

●Bi 2017 doxdaeuj, Sihlinz Yen vih gaijgez gij leih’ik vwndiz gyoengq ranz giva senglwg ceiq gvansim、ceiq cigsoh、ceiq saedsaeh haenx, gyalai bued roengz ngaenz- cienz, doenggvaq ciengj、gouqcaeq、bang daengj fuengsik, bi 2017 gungh fat gak hangh ngaenzcienz bang ciengj giva senglwg 473.453 fanh maenz, daezsang le gyoengq vunzlai gij gaenxmaenxsingq、cawjdoenghsingq saedhengz giva senglwg.

(Cinz Yizfungh)

●Mboengqneix, Lungzswng Gak Cuz Swciyen banh aenban son’gyauq bouxbaetsauq, son- gyauq faplwd fapgvi、cizyez dau- dwz、 dinfwngz gaemguenj daengj fuengmienh cihsiz hawj 80 lai boux mehmbwk gungzhoj lajmbanj caeuq boux saetnieb roengzgangj hawsingz mbouj aeu cienz, mizyauq coicaenh boux vunz couhnieb hoj lajmbanj dangdieg onjdingh couhnieb.

(Vuz Swnghbinh)

●Geij bi neix daeuj, Denz- dungh Yen yungh doicaenh canj- nieb ak yienh cizgiujcan guh seizheiq, guh ndei guh ak youzcaz canjnieb, doidoengh youzcaz canj- nieb onjyamq hwngfat. Seizneix, daengx yienh ndaem youzcaz 12.1 fanh moux, dawz mak mienhcik 9.8 fanh moux, ngveih youzcaz canj- liengh 9050 dun, cungj gyaqcienz 12670 fanh maenz, coicaenh boux- guhnaz laisou, bang doi lajmbanj saenqhwng.

(Dangh Sezyingz)