Hong soucomz、fanhoiz caeuq cingjleix 《Fwenbuenz Bouxcuengh Yinhcwngz》 daj bi 2015 co hainduj, gungh sai bae song bi lai seizgan, youq bi 2017 daej cingqsik oksaw. Gij swhliu cek saw neix youq Yinhcwngz Yen caeuq dieg Boux- cuengh yienh、si henzgyawj soucomz.

Cek saw neix yungh sam faenh saw guh fanhoiz, hangz daih’it dwg Sawndip; hangz daihngeih dwg Saw- cuengh doiq hoiz; hangz daihsam dwg Sawgun cigsoh fanhoiz; hangz daihseiq dwg Sawgun hoiz eiqsei.

Fwen Yinhcwngz miz gij lizsij gyaeraez, Fwenbuenz dwg cungj fwen dox doiqdap he, dwg gij fwen ndawbiengz Bouxcuengh、Bouxgun Yinhcwngz doengzcaez caux, cujyau riuz youq baihnamz Dahcangz- gyangh. Youq hoihfwen guek raeuz haujlai minzcuz vunznoix, daegbied dwg youq hawfwen minzcuz vunznoix Guengjsae, Fwenbuenz baenz gij hingzsik doiq fwen canghfwen doxdax dungxcaiz, hix dwg aen bingzdaiz doxhag, doxcienz cihsiz.

Youq mwh lizsij hwngfat, coj- coeng Bouxcuengh Yinhcwngz caux le haujlai sawgeq minzcuz, lumj- baenz Fwenbuenz daengj, gaenq baenz gij vwnzva minzcuz dijbauj ce roengzdaeuj Yinhcwngz. Oksaw 《Fwenbuenz Bouxcuengh Yinh- cwngz》, doiq hong yenzgiu lizsij vwnzva minzcuz daengx gih miz gaenxmaenx cozyung, doiq yenzgiu vwnzva minzcuz、cunghgyau、minz- suz caeuq dingh’ok minzcuz cwng- cwz miz camgauj gyaciz.

(Lanz Cunghcwngz/蓝忠成)