2017 nienz 12 nyied 28 hauh, Yungzanh Yen aen “mbanj makngamgaet” neix gawjhengz “gou dwg makgamgaet vuengz Yungzanh” doxbeij doxdax. Daj 2017 nienz 12 nyied co doxdax hingz okdaeuj 60 faenh（makgamgaet naeng youz caeuq makgamgaet naeng ngaeuz）haenx daeuj camgya mbat neix cungj doxdax, doenggvaq yawj aen mak naengmak gyaeundei、hung iq、naek、diemzdoh、gendangj laebgaj daengj hanghmoeg bingzbeij, faenbied bingzok aen vuengz makgamgaenj naeng youz、makgamjgaet naeng ngaeuz 2017 nienz, gujli caeuq daemxcengj dangdieg nungzminz hwngfat makgamgaet, bangcoh vunzlai hohgungzhoj vut gungz demsou.

Ciuq gyoepsuenq, daengz 2017 nienz daej, Yungzanh Yen gonqlaeng gungh cuengqhaeuj canjyez ngaenzciengj 5200 fanh maenz. Daengx yienh makgamgaet mienhcik dabdaengz 13.3 fanh moux, canjlieng dabdaengz 12.6 fanh dun, canjciz 5.8 ik maenz, saedyienh nungzminz moix boux hangh dog souhaeuj 2000 lai maenz.

(Danz Gaijhingh/谭凯兴)