Geij bi neix daeuj, Hozciz Si Yizcouh Gih gaenxmaenx damqra “lai vih it daej” nungzyez daihneix hwngfat vunzsik moq, doenggvaq dungjcouz gveihva、boiqdauq hengz- guh、dox coicaenh, gyavaiq hwnjguh gauhyau gosangh nonsei canjnieb hanghmoeg, doidoengh canjnieb daezsang caetliengh gyalai yauqik.

Aen gih neix haenqrengz hwng- fat gosangh nonsei canjnieb ndei, doed ok dawz nungzyez dangguh gunghyez daeuj guh, dawz diegguh- yiengh dangguh gingjgih daeuj ca, dawz ginghci canjnieb dangguh vwnzva canjnieb daeuj gveihva, haenqrengz doenggvaq yenzgih、gihdi caeuq giyez, saedyienh gunghyez nungzyez doxlienz, lajmbanj haw- singz doxlienz, it、ngeih、sam canjnieb yungzhab hwngfat, ginghci yauqik、ndawbiengz yauqik caeuq swnghdai yauqik ndeindei doengjit.

Youq mwh doicaenh gocwngz, aen gih neix ciuq “yenzgih、dieg- guhyiengh、gihdi” hwngfat vunq- sik, cungfaen fatok gij yinxlingx daiqdoengh cozyung aen giyez lingx- daeuz, ca ndei gunghyez yenzgih yinxhaeuj aen giyez cingsaeq gyagoeng reh nonsei haenx, ietraez diuz lienh canjnieb, daezsang gij gyaciz doxgaiq reihnaz; gyavaiq doicaenh yamqdin hwnjguh Liuz Sanhcej Gosangh Nonsei Gauhyau Swnghdai Canjnieb(haedsim) Sifan- gih, haenqrengz dajcauh aeu ciengx nonsei guh cujdauj canjnieb haenx, caenh’itbouh laebndei boiqdauq sezsih hidungj, hwnjguh daegsaek canjnieb youqndwi gingjgih; giengz- vaq hwnjguh aen gihdi dajndaem dajciengx, gaenxmaenx doigvangq cehfaen ndei banhfap ndei, soudauq cunghab leihyungh nga gosangh, doicaenh cawqleix haex nonsei mbouj miz goenghaih, cinghseuq gij vanzging suen nonsei, haenqrengz hawj canjnieb ndaej laebdaeb hwngfat ndei.

Doengzseiz, aen gih neix haenq- rengz doigvangq denswj sanghvu, laebndei gosangh nonsei canjnieb vuzliuz dijhi caeuq roenloh siugai, gungganq buek ciennieb doxgap cujciz he, daezsang seveiva cujciz cingzdoh caeuq wngqdoiq hawciengz yung- yiemj, gyalai lai dieg doxgap bingzdaiz, doed ok gohgi gunggvan, youq gwnz giekdaej doicaenh bangcoh hwnjguh canjnieb, gyalai caizcwng、swnghcanj giyez、donzdui ndawbiengz yenzgiu haifat ligdoh, gosangh nonsei canj- nieb yienh’ok conhyezva、dohyenzva、gohyozva caeuq yizdijva hwngfat seiq- daeuz.(Yiz Hungzgauh)