Bineix daeuj, Baksaek You- gyangh Gih haenqrengz doicaenh hangznieb oijdangz hwngfat, bang doi guhgiet gungzhoj hingz ndaej siujgangh, vih coicaenh ginghci lajmbanj ndaej laebdaeb hwngfat daezhawj baujcang.

Bineix, aen gih neix dajveh ndaem oij 24 fanh moux, ndawde faen ndei ndaem moq(fan ndaem) mienhcik 5 fanh moux. Ginggvaq gvangqlangh senhconz caeuq gaenx- maenx dungyenz, bineix daeuj, daengx gih guhsat ndaem oij mienh- cik 24 fanh moux, guhsat cingzsoq 100%; guhsat ndaem moq(fan ndaem) mienhcik 6.15 fanh moux, guhsat cingzsoq dwg 123%.

Vih gyavaiq doidoengh canjnieb oij hwngfat, daj bi 2016 hainduj, aen gih neix mboujduenh yinxhaeuj oij binjcungj moq, coicaenh faen oij ndei lawhmoq vuenhdaih caeuq nungzyez demyauq, vih bouxguhnaz laisou dwkroengz giekdaej gaenj- maenh. Youq gwnz giekdaej ca ndei oijdangz “song sang” gveihmoz dajndaem, aen gih neix haenqrengz sonyinx bouxak ginghci、ranz daj- ndaem lai riuzcienj diegnamh、vatcimh byafwz diegfwz hwngfat canjnieb oij. Daengz seizneix, aen gih neix gaenq miz 15 aen boux- guhnaz ciennieb hozcozse daengj yienghmoq ginghyingz cawjdaej riuzcienj diegnamh ndaem oij, vatcimh byafwz diegfwz ndaem oij 1 fanh moux, mboujdan mizyauq gaijgez mbangj mbanj nungzhoh aenvih mbouj miz goengrengz cauh- baenz diegnamh vutfwz vwndiz, youh mizyauq yungh diegnamh cuengq- hoengq lajmbanj.

Vih onjdingh canjnieb oij hwngfat, aen gih neix okdaiz mizgven bangfuz banhfap, giyez guh dangz giethab saedsaeh cingzgvang bonj- faenh, dingh’ok mizgven banhfap, guhbaenz gij gaprengz hung’ak cwngfuj、giyez doengzcaez couzcienz bangfuz canjnieb oij haenx. Bi 2017, Ganhva、Vanlinz song aen giyez guh dangz youq gwnz giekdaej guh ndei cawx nungzgih boujdiep、yungh nungzgih dajndaem boujdiep、bwnh ywgajnon boujdiep daengj gak hangh ndaem oij boujdiep, dajveh roengz- ngaenz 300 fanh maenz coih roen dieg ndaem oij 110 diuz daih’iek 700 goengleix, dajveh guh moq roen dieg ndaem oij 14 diuz daih’iek 46.6 goengleix.

(Vangz Cwngzgvei Luz Gveiyingh)